Штуршок радасціУзор

Аднойчы, калі я вучылася ў хрысціянскім каледжы, у мяне павінна была адбыцца сустрэча з рэктарам, і я вельмі баялася гэтай сустрэчы. Я папрасіла змяніць спецыяльнасць даволі позна, і гэты сур'ёзны чалавек хацеў упэўніцца, што я разумею, як маё рашэнне ўплывае на здольнасць скончыць вучобу своечасова. Яго сакратар пазваніў мне ў інтэрнат, дзе я жыла, паведаміў дзень і час, калі мне трэба было з'явіцца. Калі я падымалася на шосты паверх вучэбнага корпуса, у мяне перасохла ў роце, скруціла страўнік і дрыжалі калені. Аб чым я толькі думала?! Як я магла прыняць настолькі неразумнае рашэнне, што рэктару прыйшлося выклікаць мяне для асабістай размовы ў свой кабінет?! Калі я дайшла да рэктарата, дзе працаваў гэты вялікі чалавек, яго сакратар правёў мяне ў ягоны прэстыжны офіс. Ён паведаміў мне, што мне трэба будзе крыху пачакаць. На сценах офіса было шмат сертыфікатаў і дыпломаў, некаторыя - з самых вядомых вышэйшых устаноў таго часу. Ён меў больш навуковых ступеняў, чым уся мая сям'я, улічваючы далёкіх сваякоў! Але маю ўвагу прыцягнуў да сябе не дыплом і не сертыфікат. Гэта не быў фотаздымак рэктара, які паціскаў рукі дзяржаўным дзеячам або навукоўцам. Карціна, якая выклікала трапятанне ў самай глыбіні маёй душы, была выявай Ісуса, які радасна глядзеў і весела ўсміхаўся. Унізе быў надпіс: "Бог твой будзе радавацца аб табе!" Вы калі-небудзь думалі, што радасць - гэта адна з найвялікшых якасцяў Самога Бога? Радасць - неад'емная частка характару Бога. Усё, што Ён робіць, Ён робіць з глыбокай асалодай, і ўсе Свае справы Ён робіць са шчырай ахвотай. Што ж з'яўляецца прычынай таго, што Бог напаўняецца радасцю? Адказ дапаможа вам адчуць пакорлівасць... вы - гэта і ёсць прычына Божай радасці! Бог радуецца вам так жа, жаніх радуецца сваёй каханай нявесце. Бог настолькі рады мець адносіны з вамі, што гэта прымушае Яго спяваць!