Штуршок радасціУзор

Павал, найвялікшы тэолаг і евангеліст усіх часоў і народаў, зноў апынуўся ў бядзе! Ён прапаведаваў Слова Божае ў не тым месцы і не ў той час, і яго злавілі. Аднак, перш чым адаслаць Паўла ў турму, сам цар Агрыпа вырашыў выслухаць версію Паўла. Агрыпа ўвайшоў у залу ва ўсёй сваёй пампезнай велічы і сеў паміж галоўных палітыкаў таго часу. Калі натоўп прыціх у прысутнасці зямной царскай асобы, цар Агрыпа, які быў вядомы як магутны і патрабавальны кіраўнік, паглядзеў на Паўла і дазволіў яму абараняцца. Як бы вы паводзілі сябе ў такой сітуацыі? Па праўдзе кажучы, маё сэрца проста выскачыла б з грудзей! Большасць з нас задавала б пытанне, дзе ж ва ўсім гэтым быў Бог! "Сапраўды, Божа?! Я прапаведаваў Евангелле дзеля Твайго Імя, а зараз мне прыходзіцца абараняцца перад самым магутным чалавекам у свеце?!" Я ведаю, што я б малілася б аб тым, каб мне не страціць прытомнасць ад страху ў прысутнасці гэтага чалавека, які мог забіць мяне або адправіць у рымскую турму адным кіўком галавы. Павал спакойна працягнуў руку да Агрыпы і пачаў адну з самых красамоўных прамоваў у абарону такімі праніклівымі словамі: Ва ўсім, у чым мяне абвінавачваюць іудзеі, цару Агрыпа, — я лічу сябе шчаслівым, што магу сёння абараняцца перад табою" - Дзеі 26:2 (пераклад Анатоля Клышкі). Павал смела заяўляе ў прысутнасці самага важнага чалавека таго часу: "Я лічу сябе шчаслівым..." Наступны раз, калі вы апынецеся ў цяжкім становішчы, ці будзеце вы лічыць сябе шчаслівымі? Наступным разам, калі вы не дасягнеце сваёй мэты, ці будзеце вы лічыць сябе шчаслівымі? Калі ваша жыццё вось-вось разаб'ецца, чаму б вам не паспрабаваць, як Павал, лічыць сябе шчаслівымі? Мы можам змяніць свае думкі, таму што мы ведаем Ісуса Хрыста. Мы можам змяніць тое, як наш розум успрымае абставіны, бо мы ведаем, што апошняе слова заўсёды застаецца за Богам-Творцам усяго! Паспрабуйце... сёння лічыць сябе шчаслівым!