Штуршок радасціУзор

Ці думалі вы калі-небудзь, што простае рашэнне чытаць Біблію штодня, можа стаць самым важным крокам для дасягнення радасці ў вашым жыцці? Біблія - самы дзейсны сродак для вырашэння эмацыйных праблем. Біблія - гэта не проста кніга. Гэта жывая крыніца нябеснай сілы. Шмат людзей гавораць мне, што яны не разумеюць Біблію... і я кажу ім, што гэта нармальна! Проста працягвайце яе чытаць! Мы не заўсёды чытаем Слова Божае для атрымання інфармацыі, мы заўсёды чытаем яго для таго, каб яно змяняла нас! Я гарантую, што тое, што ваш розум не здолее зразумець, паглыне ваш дух! У вас сапраўды ёсць вораг... і ён сапраўды разумее сілу, якую хрысціянін атрымлівае з чытання Бібліі... д'ябал зробіць усё магчымае, каб пераканаць вас не чытаць Слова Божае! Дысцыпліна ніколі не даецца лёгка і заўсёды патрабуе сур'ёзнай канцэнтрацыі і мэтанакіраванасці. Не шукайце апраўдання, чаму вы не чыталі Біблію ўчора, і чаму вы не можаце чытаць Біблію сёння... проста зрабіце гэта! Прыміце цвёрдае рашэнне кожны дзень праводзіць нейкі час у Божым Слове, і ў вас будзе столькі радасці, што вы зможаце дзяліцца ёй з навакольным светам! Я малюся за вас сёння, каб вы паўтарылі разам з прарокам Ераміяй: "Сталася слова Тваё мне на радасць ды на пацеху сэрца майго!" (Пераклад М. Чарняўскага)