Штуршок радасціУзор

Вы гатовы атрымаць найлепшую параду за ўсю гісторыю? Вы гатовы да плана, які забяспечыць вам здольнасць ісці да перамогі і ніколі больш не станавіцца ахвярай дэпрэсіі або расчаравання? Калі так... сённяшняе настаўленне для вас! "Радуйцеся заўсёды!" - гэтая запаведзь Новага Запавету азначае, што ў вас няма выбару! Ваша стратэгія для дасягнення перамогі - "Радуйцеся заўсёды!" Радасць - гэта не проста пабочны эфект паслухмянасці Богу. Радасць сама па сабе - гэта паслухмянасць Богу! Радасць - гэта акт паслухмянасці, і мы маем загад радавацца ў Госпадзе і атрымліваць задавальненне ў Ягонай прысутнасці. К. С. Льюіс так выказаў гэту думку: "Абавязак хрысціяніна - быць настолькі радасным, наколькі гэта магчыма!" Мэта вашага жыцця - праслаўляць Бога кожным пражытым днём. Мэта вашага жыцця - праслаўляць Ягонае імя кожным выбарам, кожным словам і кожнай думкай. Вы праслаўляеце Бога, калі выбіраеце радасць у Ягонай прысутнасці. Вы не праслаўляеце Яго ныццём, скаргамі, горыччу або адмовай дараваць. Вы праслаўляеце Бога, калі сустракаеце выпрабаванні з радасцю! Вам трэба прыняць параду Святога Духа і вырашыць, што вы сапраўды будзеце радавацца ў наступны раз, калі вы будзеце праходзіць праз пакуты. Гэтыя вершы выразна вучаць нас, што мы не павінны баяцца вогненнага выпрабавання... але што мы павінны рабіць, дык гэта радавацца!