Штуршок радасціУзор

Павал і Сіла былі збітыя да сінякоў і адкрытых ран. З іх жорстка сарвалі вопратку, і яны мелі сур'ёзную патрэбу ў медыцынскай дапамозе. Павал і Сіла, два вялікія мужы Божыя, якія падарожнічалі па старажытным свеце і распаўсюджвалі Евангелле Ісуса Хрыста, былі кінуты ў рымскую турму, а іх ногі закаваныя ў калодкі. Рымская турма была месцам, дзе людзі вельмі хутка гублялі розум; дастаткова было некалькіх начэй у гэтым смуродным, чорным месцы, каб звар'яцець. Размешчанае глыбока пад зямлёй, гэтае месца было запоўнена страшэнным смуродам. Зняволеныя атрымлівалі ежу толькі адзін раз на дзень, гэта быў цвілы хлеб і ледзьве цёплай бруднай вады, якая да гэтага ўжо выкарыстоўвалася для невядома якіх патрэб. Кожны раз, калі ахоўнік прыносіў ежу, ён абавязкова прыкладаў намаганні, каб найбольш балюча пабіць зняволеных. На працягу бясконцых дзён зняволеныя ў рымскай турме сядзелі пасярод прадуктаў жыццядзейнасці. Па іх целе бегалі насякомыя, павукі і нават пацукі. І зняволеныя не маглі нічога зрабіць з гэтым. Каля паўночы, калі большасць людзей паддаюцца адчаю і ўпадаюць у дэпрэсію, Павал і Сіла знайшлі радасць! Яны знайшлі радасць у гніласным паху турмы, у сырасці і вільгаці, у поўнай безнадзейнасці. Яны знайшлі радасць, хоць іх ногі былі закаваныя, яны былі акружаны брудам, і іх існаванне не мела ніякай мэты. Павал і Сіла выбралі пакланяцца Ісусу менавіта ў гэты, найгоршы момант свайго жыцця. Павал і Сіла знайшлі радасць! Ну, што... якія ў вас апраўданні?! Як хрысціяне, мы нясём адказнасць... так... нават абавязак... сустракаць самае горшае, што нам прапануе жыццё, з вялікай радасцю! Калі вы вырашыце пакланяцца Богу ў самыя цёмныя моманты вашага жыцця, будзьце пільнымі! Нябёсы могуць пачаць раскачваць асновы, каб вызваліць вас ад абставін, якія вас звязваюць.