Штуршок радасціУзор

Усё, што я ведаю аб сельскай гаспадарцы, я даведалася ад свайго бацькі, які вырас на сваёй ферме яшчэ да Другой сусветнай вайны. Тата любіў зямлю і плады, якія яна прыносіла. Самыя шчаслівыя моманты ягонага жыцця ён правёў, калі капаў зямлю, саджаў насенне ў далікатную вясновую глебу, выдзіраў бясконцае пустазелле пад гарачым сонцам, а затым збіраў ураджай, які ён вырасціў разам з Богам! Вось чаму я навучылася ад свайго бацькі: калі вы пасадзіце насенне агуркоў, то пажнеце бліскучыя зялёныя агуркі. З насення агурка ніколі не вырасце цыбуля... або сельдэрэй... або кукуруза. Калі вы пасадзіце насенне цюльпанаў, то атрымаеце выдатны ўраджай цюльпанаў. З насення цюльпанаў ніколі не вырастуць цыніі... або вечназялёныя дрэвы... або незабудкі. Вы заўсёды будзеце пажынаць тое, што пасеялі. З насення можа вырасці толькі тое, што закладзена ў іх генетычным кодзе. Гэта праўда і ў дачыненні жывёльнага свету: коткі нараджаюць толькі кацянят і ніколі не нараджаюць сланоў, кітоў або парсючкоў. Жывёлы, людзі і насякомыя нараджаюць толькі тое, што вызначана іх генетычным кодам. Аднак, у Божым Царстве ёсць выключэнне з гэтага неабвержнага генетычнага закона. У Божым садзе, калі вы сееце са слязамі, вы заўсёды будзеце пажынаць з радасцю! Калі вы незлічоную колькасць разоў засыналі ў слязах і перажылі горыч дэпрэсіі, расчаравання і суму... не здавайцеся! Радасць ужо набліжаецца да вас! Вашыя слёзы палівалі насенне радасці, якое Бог пасадзіў у садзе вашага жыцця. Тыя, хто сеялі ў слязах трагедый, смутку і расчаравання, будуць мець найвялікшую радасць! Радасць не з'яўляецца нечым немагчымым, калі вы перажылі глыбокую эмацыйную траўму і боль, яна гарантавана ў Царстве Божым. Бог не забыў вас, яле рады быць вашым супрацоўнікам і даць вам вялікі выбух радасці! Самы цяжкі момант вашага жыцця здольны прывесці да самых лепшых вынікаў.