Адвэнт: Падарожжа да РастваУзор

Прыйшло Сьвятло

Надышло Раство! Пара сьвяткаваць нараджэньне нашага Збаўцы, Ісуса Хрыста, Які ёсьць Сьвятлом гэтаму сьвету!

У першым акце Стварэньня ў Быцьці, Бог сказаў слова, і сьвятло адразу ж аддзялілася ад цемры. Але ў хуткім часе Адам ды Ева абралі зграшыць, і Божая прысутнасьць, Ягонае сьвятло, было аддзелена ад чалавека. Той жа момант даў пачатак гісторыі збаўленьня: сьвятло, якое мусіла сьвяціць празь цемру, цяпер датычылася ня толькі ночы й дня, але й жыцьця ды сьмерці. Найвялікшым Божым жаданьнем было мець узаемаадносіны з намі, таму Ён паслаў Сьвятло, каб вывесьці нас зь цемры й накіраваць нас да Бога.

Раство – гэта наступнае: «Было Сьвятло сапраўднае, Якое прасьвятляе кожнага чалавека, што прыходзіць у сьвет». (Яна 1:9)

Адзіны Сын Бога нарадзіўся дзеля таго, каб мы змаглі атрымаць прабачэньне за нашыя грахі ды прымірыцца зь Ім. Аддзяленьне, празь якое мы знаходзіліся ў цемры, было пераможана Ісусавым сьвятлом. Ісус сказаў: «Я – сьвятло сьвету; хто пойдзе сьледам за Мною, той ня будзе блукаць у цемры, а будзе мець сьвятло жыцьця». (Яна 8:12)

Ня мае значэньня, дзе вы сёньня знаходзіцеся й што вы нарабілі. Прыйшоў Збаўца сьвету! Дзеля ВАС! Дазвольце Ягонаму сьвятлу пасьвяціць ува ўсе цёмныя месцы вашага жыцьця ды вярнуць усё тое, што згубілася ў цемры. Сьвятло тут, і Ён аб’явіў, што вам ня трэба больш блукаць у цемры. Прымеце Ягоную любоў ды адчуйце Раство, як ніколі раней!

Малітва: Тату, дзякую, што Ты ад самога пачатку падрыхтаваў шлях вяртаньня да Цябе. Дзякую Табе за тое, што Ты паслаў Твайго Сына нарадзіцца ды памерці, каб я змог жыць! Сёньня, як я сьвяткую Раство, дапамажы мне больш глыбока зразумець Тваю любоў да мяне й Тваё Сьвятло, Якое Ты прынёс у маё жыцьцё. Слаўлю Цябе за тое, што я ніколі зноў ня мушу блукаць у цемры!

Спампуйце сёньняшнюю выяву тут.