Адвэнт: Падарожжа да РастваУзор

Рост адбываецца тады, калі мы шукаем Бога

У другім разьдзеле Лукаша напісана, што калі Ісус быў немаўлём, то Марыя ды Язэп прынесьлі Яго ў храм у Ерусаліме, каб прадставіць Яго перад Госпадам паводле закону Майсеевага. Потым мы чытаем, што Ён рос ды ўмацоўвалася духам, напаўняючыся мудрасьцю, і што ласка Божая была на Ім. Ісус даў нам прыклад як жыць, але тое цяжка зрабіць, калі мы засяроджваемся на адным толькі факце, што Ён быў Богам. Ісус таксама быў поўнасьцю чалавекам, і – паводле Сьвятога Пісьма – як усе людзі, Ён разьвіваўся ды рос. Але што выклікала рост нашага Збаўцы?

Нас у сучаснай культуры ўвесь час атакуюць рэклямы аб самадапамозе. Яны кажуць нам, як мы можам узмацніць нашыя целы, займець посьпех у бізнэсе, пераадолець дэпрэсію… За ўсяго толькі некалькі рублёў мы можам даведацца болей, зрабіць болей ды палепшыць саміх сябе.

Варта заўважыць, што Слова кажа нам, што Ісусаў рост адбываўся ў той час, як Ён ды Ягоная сям’я шанавалі Бога. Безумоўна, ёсьць рэчы, якія мы самі здолеем рабіць, каб расьці, але ніякая колькасьць самадапамогі не змагла б прыгатаваць Ісуса да Ягонага пакліканьня. Гэтаксама ніякая колькасьць самадапамогі ня зможа замяніць Божую ласку ў нашых жыцьцях. Шмат якіх хрысьціянаў на сьмяротным ложы маюць больш мудрасьці й моцы, чым найбольш пасьпяховыя лідэры або спартоўцы, якія дасягнулі посьпеху ўласнымі намаганьнямі. Мы не становімся больш мудрымі й моцнымі ад самадапамогі. Мудрасьць ды моц зьяўляюцца, нібыта пабочны прадукт, калі мы шукаем і шануем Бога ды адчуваем Ягоную ласку, якая зьмяняе жыцьцё.

Засяродзьцеся гэтым Раством на тым, што можа адбыцца, калі вы наблізіцеся да Ісуса. Вам ня трэба рабіць натугі, каб дасягнуць нейкіх недасягальных сьвецкіх стандартаў. Адпачніце, ведаючы, што сапраўдная мудрасьць ды моц прыйдуць да вас ад вашай блізкасьці з Богам. Калі вы будзеце шукаць Яго штодня, то вы абавязкова будзеце расьці й вы будзеце забясьпечаныя ўсім патрэбным для выкананьня вашага пакліканьня.

Малітва: Тату, дзякую Табе, што Ты мне ёсьць крыніцай мудрасьці й моцы. Твая ласка дае мне надзею на маю будучыню. Я ведаю, што Ты нашмат больш вялікі, чым я сам мог бы калі-небудзь быць, і я вельмі ўдзячны Табе за тое, што Ты жадаеш падзяліцца са мной Тваёй сілай. Калі мне становіцца цяжка, дапамажы мне спадзявацца на Цябе, а не на самога сябе.

Спампуйце сёньняшнюю выяву тут.