Сьвятая мітусьня: Жыцьцё, поўнае цяжкае працы й добрага адпачынкуУзор

Патрэбна цэлая вёска - ня толькі на тое, каб выхаваць дзіцё, але й на тое, каб ператварыць нашую звычайную мітусьню ў нешта сьвятое, што прыносіць Богу славу.

Параўнаньне. Канкурэнцыя. Грамада. Калі я гляджу на мітусьлівыя паведамленьні, якімі крычыць на нас сьвет, параўнаньне значыць даказваць нашай аўдыторыі, што яна мусіць абраць нас заміж нашае канкурэнцыі. Канкурэнцыя значыць бясконца імкнуцца да таго, каб упэўніцца, што наш прадукт, праца або словы ня толькі зьяўляюцца найлепшымі, але й найунікальнейшымі, а таксама даступнымі раней за ўсякія іншыя. Канкурэнцыя крычыць: “Я прыйшоў сюды першы!” А грамада? Ну, гэта проста прыемнае слова, якім мы называем кліентаў, якія становяцца прадметам нашых рэклямных, маркетынгавых ды электронных рассылак.

Адпрацаваўшы больш за дзесяць гадоў у маркетынге, я гэта разумею. Мой розум мае схільнасьць вяртацца да тых самых азначэньняў, калі я забываю, дзеля чаго працую. Замест таго, каб служыць, я пачынаю прадаваць, і ў працэсе цаню заробак больш высока, чымся людзей. Але існуе іншы шлях. У эканоміцы сьвятое мітусьні параўнаньне азначае глядзець на ўласную працу й прасіць Бога паказаць ці яна йдзе паводле Ягонае волі. Як нашае жыцьцё выглядае ў параўнаньні з Хрыстовым жыцьцём, зь якога мы павінны браць прыклад? Канкурэнцыя не азначае ўпэўніцца ў тым, што мы перамагаем; канкурэнцыя азначае шукаць спосабаў дапамагчы іншым стаць пасьпяховымі. А грамада - гэта істотны складнік, які адрозьнівае сьвятую мітусьню ад таго, як працуе гэты сьвет. Тое больш выглядае як супраца, руплівасьць і размова, а ня як абіраньне кліентаў.

Тое можа быць цяжкім, але грамада заўсёды вартая цяжкае працы. Бог не стварыў нас на тое, каб мы жылі ў адзіноце, і тое таксама тычыцца нашае працы. Мы здолеем зрабіць нашмат болей дзеля Божага Валадарства, калі кінем спадужнічаць і пачнем працаваць разам.

Гонячыся за голаснымі, бразгатлівымі патрабаваньнямі ды спадзяваньнямі сьвету, мы будзем адчуваць сябе няпэўна, бо мы будзем параўноўваць сваё месца ў Божым пляне зь месцам іншых асобаў навокал нас. Заміж гэтага, абярэм давяраць Богу як Галоўнаму Майстру, Які ведае калі, як, навошта ды якія кавалкі выкарыстаць, каб выйшла нешта прыгожае і пэўнае на ўсё жыцьцё.

Захапіся Божаю мэтаю на тваё жыцьцё ды пачні працаваць цяжка, адпачываць добра й жыць у сьвятой мітусьні, да якое Бог кліча цябе там, дзе ты ёсьць.