Сьвятая мітусьня: Жыцьцё, поўнае цяжкае працы й добрага адпачынкуУзор

Я чытала біблійны аповед пра Рут каля тузіну разоў у мінулым, але ў тую нядзелю я заўважыла нешта неспадзяванае. Рут ня проста зрабіла мінімум, каб выжыць. Яна прабілася. Яна працавала цяжка, паважна, адпачываючы, калі трэба было, і заканчваючы сваю справу. Яна працавала да вечара, зьбіраючы 26 квартаў ячменю, каб утрымаць сваю сям’ю. Рут прыходзіла на працу, а Бог ствараў плян празь ейнае жыцьцё, у выніку якога яна пабралася шлюбам з Ваозам і займела месца ў Ісусавым радаводзе.

Вось тое й ёсьць сьвятою мітусьнёю. Рут не цікавіла папулярнасьць або прызнаньне. Зьбіраць зерне было цяжкаю, стомнаю працаю. Тая праца не была моднаю, слаўнаю або ўражальнаю. Яна была прыніжаючаю. Рутына праца мела значэньне й мэту, як - на маю думку - і нашая праца.

Што б адбылося, калі б Рут паглядзела на маленькую хатку, у якой яна жыла разам з Наэміньню, ды засяродзіла сваю ўвагу на тым, што ім не ставала, а не на тым, што яна магла забясьпечыць? Што б адбылося, калі б Рут пайшла шукаць працы, якая б дазволіла ёй адчуць сябе важнаю асобаю, заміж таго, каб шукаць працы, якая паставіла б яе як раз туды, дзе Бог хацеў, каб яна была? Яна б цалкам прапусьціла як жніво, так і ўсе тыя дабраславеньні, якія Бог жадаў даць ёй, збаўляючы ейную сям’ю.

Ісьці й рабіць цяжкую справу, да якое Бог кліча нас, можа быць цяжка. Магчыма, Бог папрасіў цябе служыць у месцы працы, дзе не шануюць Яго, і ты адчуваеш сябе чужынцам у чужой зямлі. А магчыма, што Бог прывёў цябе ў новае месца, і твае мары аб уражальных справах, якія меліся прынесьці табе папулярнасьць ды славу, замяніліся пакліканьнем рабіць менш важную справу. Магчыма, ты ўжо доўгі час выконваеш ролю, якая табе вельмі падабаецца, але зьнеахвочваесься, бо ня бачыш плоду твае працы.

Калі мы адкладаем у бок нашыя намаганьні й пачынаем проста служыць, дык мы дазваляем Богу зьбіраць тое, што мы гэтак верна пасадзілі. Магчыма, што дабрыня, якую ты прыносіш у тваё месца працы, - гэта як раз тое, што набліжае нейкую асобу да Бога. Магчыма, што любоў, якую ты паказваеш іншым маленькімі, нябачнымі, вернымі спосабамі стане мостам, які злучыць Бога й людзей навокал цябе. Магчыма, што тое насеньне, якое ты пасадзіў празь веру, некалі ў будучыні, праз многія пакаленьні, калі цябе ўжо ня будзе на гэтай зямлі, стане каталізатарам цудоўнага дару, які Бог жадае даць гэтаму сьвету.