Сьвятая мітусьня: Жыцьцё, поўнае цяжкае працы й добрага адпачынкуУзор

Аднаго нядзельнага ранку мы сядзелі на крэслах-складанках у спартовай залі нашае царквы, абраўшы наведаць больш сучаснае служэньне заміж нашага звычайнага служэньня ў вялікай залі. У нядзелю праводзяцца пяць ранішніх служэньняў, і нашая царква знайшла спосаб разумна кіраваць сваёю прастораю, рэсурсамі ды грамадою праз прапанаваньне выбараў, прынадных для кожнае асобы, адначасова захоўваючы паўсюль тыя ж самыя моцныя казані, заснаваныя на Сьвятым Пісьме. Можаш знаходзіцца ў спартовай залі з прапаведнікам у джынсах, але ты пачуеш эвангельле гэтак жа ясна, як у вялікай залі з пастарам у гарнітуры й гальштуку.

У мінулую нядзелю я з мужам слухала выдатную казань аб шчодрасьці. Калі служэньне скончылася, нас папрасілі выказацца наконт таго, што б мы зрабілі, калі б знайшлі сто даляраў - мы маглі патраціць іх як заўгодна. Што было патрэбна нашай сям’і цяперака больш за ўсё? Як сто даляраў маглі б паўплываць на нашыя абставіны? Слухачы выказалі некалькі думак - праекты паляпшэньня хаты, новае адзеньне для школы, страва зьесьці са сваякамі. Зь іншага боку спартовае залі празь сьлёзы прагучаў голас аднае жанчыны. Яна выкарыстала б тыя грошы на тое, каб узяць сваіх дзяцей на адну ноч у гатэль з басэйнам, каб яны маглі пасьмяяцца й пагуляць ды на некалькі гадзінаў забыцца на зьдзекі й страх ад мінулае ночы. Тое прагучала надзвычай шчыра, уразьліва й журботна.

Пастар паклікаў як наперад, дастаў з кашальку сто даляраў і аддаў іх ёй. Без аніякіх умоваў. “Вы сабе не ўяўляеце. Вы сабе не ўяўляеце,” - казала яна, усхліпваючы. Сябры царквы, што сядзелі ў крэслах побач, падняліся й абкружылі яе, будуючы сьцяну малітвы й падтрымкі вакол яе, а яна плакала. Тое было незаплянавана й нечакана, нібыта моцны выклік.

Ці ты зрабіў бы нешта накшталт гэтага? Ці ты выкарыстаў бы сто даляраў выключна дзеля таго, каб у павазе ды любові дабраславіць некага, калі Бог кажа “Дай”? Незалежна ад таго, ці ты ўжо маеш грошы ў тваім кашальку, ці табе трэба будзе ашчаджаць на працягу наступных шасьці месяцаў, вырашэм усе разам прыняць той выклік! Робячы Божую справу, будзьма добрымі кіраўнікамі рэсурсаў, што Ён дае нам, і пакажэм іншым, што сьвятая мітусьня адрозьніваецца ад усякае іншае мітусьні, бо мы дбаем пра людзей больш, чымся дбаем пра плятформы.

Дабрыня - важная рэч.