Сьвятая мітусьня: Жыцьцё, поўнае цяжкае працы й добрага адпачынкуУзор

Прыняцьце новага стаўленьня й падыходу да мітусьні патрабуе часу. Але калі гаворка ідзе аб зьмене і новых рэчах, якія Бог жадае зрабіць у нашым жыцьці, дык мы маем два выбары: уцячы або імкнуцца да росту. Я першай прызнаюся, што часам уцячы мне падаецца найлепшым выбарам - пакуль Бог не пакажа мне, чаму мне так падаецца. Калі зьмена пужае мяне, дык гэта таму, што я спадзяюся на ўласную сілу. Я мяркую, што падбаць пра ўсё, упэўніцца, што ўсё атрымаецца, ўпэўніцца, што ня сяду макам - зноў - гэта мая адказнасьць. Калі я абіраю ўцякаць, дык я раблю гэта, бо згадваю, што я сама не змагу зрабіць усё належным чынам і так, як мне таго хочацца.

Але потым я кідаю маё імкненьне зрабіць усё сама й пачынаю спадзявацца, што Бог прапаноўвае зьмены з прычыны таго, што Ён мае добрыя пляны для мяне, пляны, якія прынясуць Яму славу й пашыраць Ягонае Валадарства.

Ці ты пойдзеш новаю дарогаю, якую Ён паказвае табе, дзе сьвятая мітусьня замяняе моцнае стараньне зрабіць усё ўласнымі сіламі? Ці ты ўцячэш, бо камфорт таго, з чым ты добра знаёмы, падаецца табе прывабнейшым за некамфортную пару, поўную невядомага?

Вось тры заўпэўненья, на якія мы заўсёды можам спадзявацца: Бог яшчэ з намі ня скончыў, Ён гатовы зрабіць нешта новае, і Ён будзе з намі на кожным кроку нашага шляху.

Сьвятая мітусьня дае нам свабоду працаваць над заданьнямі, якія Бог дае нам, з усяе моцы. Гэтая праца зьяўляецца вельмі важнаю для Божага Валадарства. Яна дае нам свабоду прызнаць, што заданьні, якія выконваюць іншыя, зьяўляюцца правільнымі для іх, а не для нас і ня ў гэтую пару. Сьвятая мітусьня дапамагае нам чуць Бога праз роў уладалюбнага сьвету, каб мы змаглі сказаць “так” справе, дзеля якой Бог прыгатаваў нас, і “не” справе, якая вычарпае сілы нашае душы.

Лінія паміж мітусьнёю ды моцным стараньнем, і адпачынкам ды гультайствам вельмі тонкая. Калі мы занадта схіляемся ў адзін бок, дык мы будзем спадзявацца на ўласную сілу, заміж таго, каб заўжды памятаць Божыя напаміны пра тое, што Ён ёсьць нашаю сілаю. Гэты варыянт мітусьні не заключаецца ў тым, каб знайсьці болей часу ў нашым раскладзе, каб выканаць больш заданьняў, а ў тым, каб зразумець, што Бог заклікае нас рабіць, каб мы змаглі служыць больш, даваць больш ды падбадзёрваць іншых больш - у адпаведных месцах і адпаведнымі спосабамі.