لشهر شتنبر؛ رحمات جديدة كل صباحعينة

الرعاية ديال الله هي أكيدة، ولكن واش كتجرّي لعنده في وقت الاحتياج أولا غتقلّب في بلاصة خرا على الرجاء والتعزية؟

الله بوعوده، هو كيعرض علينا باش نجرّيو لعنده:

·"حَطُّو ݣَاعْ هَمّْكُمْ عْلِيهْ، عْلَاحْقَّاشْ هُوَ اللِّي كَيْتّْهَلَّى فِيكُمْ." (1 بطرس 5: 7).

·"حِيتْ اللَّهْ كَيْݣُولْ: «عَمّْرْنِي مَا غَنْخَلِّيكْ وَلَا غَنْسْمَحْ فِيكْ»."(عبرانيين 13: 5).

·"أَجِيوْ لْعَنْدِي آ اللِّي عْيِيتُو كُلّْكُمْ وْاللِّي هَازِّينْ الْحْمَلْ التّْقِيلْ وْأَنَا غَنْعْطِيكُمْ الرَّاحَة.هْزُّو النِّيرْ دْيَالِي عْلِيكُمْ وْتْعَلّْمُو مْنِّي، حِيتْ أَنَا ضْرِيّْفْ وْمْتْوَاضْعْ، وْرَاهْ غَادِي تْلْقَاوْ الرَّاحَة لْنْفُوسْكُمْ.حِيتْ النِّيرْ دْيَالِي سَاهْلْ وْالْحْمَلْ دْيَالِي خْفِيفْ." (متى 11: 28-30).

·"الرب النور ديالي والنجاة ديالي. من شكون نخاف؟ الرب الحصن ديال حياتي. من شكون نخاف؟ " (مزمور 27: 1).

·"هو كيعطي القوة للضعيف، وكيزيد القوة لهاداك اللّي ماعندوش. حتّى الشباب كيسخفو وكيفشلو، والشبان كيعياو. ولكن هادوك اللّي كيتسنّاو الرب قوتهم كتتجدّد. كيهزّو جنحين بحال النسور. كيجرّيو وماكيعياوش. كيمشيو وماكيخفوش" (إشعياء 40: 29-31).

·"وْالْإِلَاهْ دْيَالِي غَيْعْطِيكُمْ كُلّْ مَا كَتْحْتَاجُو عْلَى حْسَابْ الْعَزّْ دْيَالُه الْكْتِيرْ بْالْمَسِيحْ يَسُوعْ." (فيلبي 4: 19).

·"حطّو الحمل ديالكم على الرب، وهو كيهزكم. ماعمّره يخلّي التقي يتزعزع" (مزمور 55: 22).

هادو هما غير تقديمات صغار لكلام الله على الدعوة والترحيب. هو بالحق "لْآبْ الرّْحِيمْ وْالْإِلَاهْ دْيَالْ التَّشْجِيعْ" (كورنتوس التانية 1: 3). يقدر يدير من أجلك داكشي اللّي حتّى واحد مايقدر يدير. عنده قوة حتّى شخص أخر ماعنده. هو قادر وباغي يجي لعندك في أوقات الإحتياج ديالك، حتّى ملّي كيكون هاد الإحتياج نت اللّي تسبّبتي فيه. هو ماغيضحكش عليك في ضعفك. هو ماغيوقفش مكتوف اليدين ويقول ليك بسخرية: " قلتها ليك". هو ماكيستمتعش بالمعانات ديالك. هو عامر بالحنان. هو كتير الرحمة. هو ماعمّره كيبعّد منّك أولا كيحس بالخزي منّك. هو ماعمّره كيستعمل الضعف ديالك ضدك. هو ماعندوش تفضيلات وماكيديرش الوجهيات. هو ماعمّره كيعيا. هو ماعمّره كيتسالا ليه الصبر دياله. هو ماعمّره غيخلّي خدمتو حيت عيا منّك. هو ماعمّره يرفض يعطيك داكشي اللّي واعدك بيه حيت نت درتي دنب كبير. هو أمين في كل وعوده في أخيْب نهار في حياتك بحال هو أمين في أحسن نهار في حياتك. هو ماكيطلبش منّك تربح الحنان دياله أولا تدير شي حوايج باش تاخد الرحمة دياله. هو كيعرف شحال قلبك ضعيف وماتابتش، وواخا هكداك هو كيزيد يجي لعندك بنعمة ماكتعياش وكتقوّي. هو كيفرح باش يلبّي حتياجاتك. هو كيفرح باش يدير السلام في قلبك. هو بالحق كل ما كتحتاج.علاش كتجري لبلايص خرين في الوقت ديال الضعف ديالك أولا المشاكل ديالك؟

من أجل دراسة وتشجيع كتر: إشعياء 12