لشهر غشت؛ رحمات جديدة كل صباحعينة

ملّي حتّى حاجة أولا حتّى واحد ماكيبقا في حياتك ويكون أمين، تقدر تكون مطمئن بلّي الله غيكون في حياتك وغيكون أمين.

أنا كتعجبني الصراحة ديال الكتاب المقدس. كيعجبّي بلّي الإيمان بالله ماكيتطلّبش منك ومنّي باش نلعبو مع الواقع. كيعجبني بلّي الوصف ديال الكتاب المقدس للحياة في هاد العالم الساقط دقيق ومعروف. المزمور 90 هو واحد من أكتر المزامير صراحة وعنده وصف مزيان. كيفاش دايرة هاد الصراحة؟ "سنين حياتنا هي سبعين، أولا حتّى مع القوة تمانين؛ وواخاه هاكدا راه امتدادها غير عيا وتمارة. دغيا كتدوزو، وحنا كنطيرو بعيد" (الأية 10) هاشنو كيقول كاتب المزمور: "حياتك غتكون قصيرة وفيها صعوبات" هادشي ماشي شي خبار مزيانة ياك؟ولكن هادشي راه حقيقة. نت كتعيش في عالم ساقط هو بنفسه كيبكي وكيتسنّا الفداء. نت كتعيش مع ناس ماشي متاليّين كيفكرو وكيقولو وكيديرو حوايج غلط. نت كتعيش في بلاصة مازال كيعيش فيها الفساد والإنحلال الأخلاقي والضلم والتلوت والمرض وكيديرو خدمتهم القبيحة. نت كتعيش في بيئة ماخدّاماش حسب التصميم الأصلي ديال الله. كل نهار عامر بمشاكل صغيرة، والمشاكل الكبيبرة حتّى هي غتدخل من بابك.

في وسط كل هادشي، نت كتميل باش تحس وحيد، منبود، فقير، وعاجز. في وسط كل هادشي، نت كتميل باش تتسائل على واش الله كاين، عاد واش كيسمعك أولا كيهتم بيك. في مشاكلك، شي ناس حداك ماكيحسّوش بيك وماكيحبوكش. كيفكرو بلّي مشاكلك هما تقل كبير بزّاف. والناس اللّي كيحسّو بيك وكيحبّوك ماعندهمش القوة الكافية باش يمسحو مشاكلك. هادشي علاش البدية ديال مزمور المشاكل هادا هي مهمة بزّاف. هاد المزمور الصريح ماكيبداش بالمشاكل. كيبدا بأهم إعلان يقدر يسمعه أي شخص كيواجه المشاكل: "يا رب، راك كنتي المسكن ديالنا في كل الأجيال. قبل ماتولد الجبال، أولا قبل خلقتي الأرض والدنيا، من ديما وللأبد نت هو الله" (الأيات 1-3)

إلا كنتي ولد الله، فراك ماشي بوحدك. راه النعمة المجيدة ربطاتك بهاداك اللّي قوته ومحبته ماكيتغيّروش مع الزمان. راه النعمة ربطاتنا أنا ونت بهاداك اللّي هو المسكن الأسمى ديالنا، البلاصة الأسمى لفين نقدرو نهربو. هادشي كيعني أنني ماعمّري كنبقا بوحدي مع الموارد ديالي الخاصة. ماعمّري كنبقا باش نفهم الحياة ونتعامل معاها بوحدي. بصفتي ولد الله، ماعمّري خاصني نشوف نفسي كفقير أولا منبود. ماعمّري خاصني نتيّق الكدبة اللّي كتقول بلّي ماعندي لا من نلجئ ولا رجاء. ماعمّري خاصني نفكّر بلّي حياتي كتحكمها الصعوبات ديالي. ماعمّري خاصني نخلّي بلاصة لليأس أولا الفشل. النعمة حلاّت ليّا باب الرجاء والملجئ من خلال أنها ربطاتني بهاداك اللّي هو أبدي وكيحكم على كل الضروف والعلاقات اللّي كيخلّيوني نحس وحيد.

من أجل دراسة وتشجيع كتر: مزمور 86