لشهر غشت؛ رحمات جديدة كل صباحعينة

بشي طريقة، مملكتك الصغيرة غتبان جدابة بزّاف بالنسبة ليك هاد النهار، ولكن هي نفسها المملكة اللّي النعمة كتخدم بقوة باش تنجّيك منها.

الكتاب المقدس هو بالحق قصة ديال حرب مماليك، وديك الحرب راها شاعلة في قلبك. شاعلة من أجل السيطرة على روحك. هاد جوج مملكات اللّي في الحرب مايمكنش يعيشو بسلام مع بعضياتهم. ماعمّر غتكون شي هدنة. ماكايناش شي منطقة آمنة مامسلحاش تقدر تعيش فيها. كل مملكة كتطلب الولاء ديالك والعبادة ديالك. كل مملكة كتواعدك بالحياة. واحد المملكة كتوجهك لملك الملوك ولخرة كتخلّيك تكون الملك. المملكة الكبيرة خدّامة باش تحيدك من العرش وتدّمر مملكتك الصغيرة، والمملكة الصغيرة كتغريك بوعود ماتقدرش توفي بهم. راه المملكة الكبيرة ديال المجد والنعمة هي رائعة من كل منظور، ولكن ماكتبانش ليك هاكدا ديما. المملكة الصغيرة مُخادعة ومضلمة، ولكن كتبان ليك في شي أوقات على أنها زوينة وكتوهب الحياة. يا إمّا كتصلي باش تجي مملكة الله وإرادته تكون أولا كتخدم باش تأكّد بلّي إرادتك وطريقتك هما اللّي غيربحو اليوم.

إدن راه منطقي باش يجي يسوع للأرض كملك باش يأسّس مملكته. كملك بطل، مات باش مملكته تبقا للأبد. ولكن هو ماجاش كملك أرضي باش يأسس مملكة مادية وسياسية. راه جا باش يأسّس مملكة حسن بزّاف، وأعضم بزّاف، ومتاسعة بزّاف من شي مملكة كتحدّد نفسها في بلاصة ووقت معينين. راه جا باش يحيّد من العرش كل الحكّام لخرين ويدير في قلبك الحكم دياله العامر بالنعمة واللّي كيعطي الحياة. راه جا باش يحرّرنا أنا ونت من العبودية ديال المقاصد ديال مملكاتنا الأنانيين. راه جا باش يعاونّا نفهمو بلّي النعمة دياله ماتعطاتش باش تخلّي المقاصد ديال مملكتنا الصغيرة يمشيو مزيان ولكن باش تعرض علينا لمملكة حسن بزّاف.

هادشي علاش اليوم قول لنفسك مرة خرا بلّي راه كاين ملك ولكن ماشي نت. قول لنفسك بلّي كاينة مملكة غتحمي قلبك وترضيه ولكن ماشي مملكتك. كيما قال يسوع، كاينة مملكة خاصّك تقلّب عليها، ولكن ماعمرك غتكون الملك ديالها. بعيد من أي حاجة تقدر تديرها أولا تحققها أولا تكسبها أولا تستحقها، راه تعطاتك مملكة. التمن ديال ديك الهدية كان هو الألام والموت ديال الملك. ولكن هو نتصر على الموت باش بالنعمة يقدر يتبّت الحكم في قلبك. هو دابا كيملك في بلاصتك (قرا كورنتوس اللّولة 15)، وغيزيد يملك حتّى يتّغلب أخر عدو ديال روحك ومملكته. وتمّا غيعرض عليك للمملكة النهائية، فين غيسود السلام والعدل ديما وللأبد. هادي هي قصة الإيمان ديالك. قصة هاد الملك المنجّي هي سيرتك الداتية دابا. علاش كتبغي ترجع للآمال الوهمية ديال مملكتك ديال شخص واحد؟

من أجل دراسة وتشجيع كتر: خروج 32