لشهر غشت؛ رحمات جديدة كل صباحعينة

ماتشكيش لغيرك، بكي لله. ماعمرّه كيكون صمك قدام البكا ديال شعبه.

بالحق حياتك كتتشكّل من خلال هاداك اللّي كتبكي ليه. إلا كان البكا ديالك شكوا، فراك غتلقا نفسك مع شكّايين آخرين حيت البؤس كيعجبو البؤس، وغيزيد قلبك يكون فاشل وقاسح. إلا بكيتي للناس عوض لله، فراك غتطلب من هاد الناس يديرو داكشي اللّي غير الله يقدر يدير. غيحسّو بتقل كبير فوقهم وبلا قدرة، ونت غتزيد تكون يائس. إلا سكّتي البكا ديالك، وبكيتي غير لنفسك، غتزيد تحس شوية بشوية بالوحدة وبلا أي شخص كيهتم وكيتفّهم، وغتحس كتر وكتر بالعجز. الخبار الزوينة في الإنجيل هو بلّي ماخاصّكش تسكّت البكا ديالك. ماخاصّكش تحشم حيت عندك سبب كيخلّيك تبكي، وأكيد ماخاصّكش تحس بلّي الله كبير بزّاف كتر من يقدر يسمعك، أولا بعيد بزّاف، أولا مشغول بزّاف بحوايج مهمة كتر من أنه يسمع للبكا الصغير المتواضع ديالك من أجل المساعدة.

كنضن بلّي واحد من أسباب كتابة المزامير في الكتاب المقدس هو باش يعطيونا الشجاعة باش نبكيو ويعلمونا فوقاش نبكيو:

• "يا رب، شحال كتارين العديان ديالي! بزّاف كينوضو ضدي. بزّاف كيقولو للنفس ديالي: ماعندوش نجاة في الله دياله" (مزمور 3: 1-2).
• "جاوبني ملّي نعيّط ليك، يا إله التقوى ديالي! راك عطيتيني الراحة ملّي كنت في المحنة ديالي. رحمني وسمع صلاتي!" (مزمور 4: 1).
• "علاش يا رب كتوقف بعيد؟ علاش كتخبّع في الأوقات ديال الشدة؟ " (مزمور 10: 1).
• "حتّى لفوقاش يا رب؟ واش غتنساني للأبد؟ حتّى لفوقاش غتخبّع وجهك منّي؟ " (مزمور 13: 1).
• "يا رب، يا الله ديالي، علاش تخلّيتي عليّا؟ علاش نت بعيد بزّاف من تنجّيني، من الكلام ديال البكا ديالي؟ " (مزمور 22: 1).
• "تخاصم يا رب مع هادوك اللّي ضدّي. تحارب مع هادوك اللّي كيحاربوني" (مزمور 35: 1).
• "الدموع ديالي كانو هما الماكلة ديالي ليل ونهار، حيت كيقولو ليّا النهار كلّه: فين الله ديالك؟ " (مزمور 42: 3).
• "يا الله، راك رفضتينا، هرستي الدفاعات ديالنا. سخطتي علينا، رجّعنا" (مزمور 60: 1).

كاينين بزّاف ديال المقاطع بحال هادو في المزامير. هما موجودين باش يشجعوك تبكي لهاداك اللّي ماعمّره يكون صمك قدّام البكا ديالك واللّي عنده القوة والرغبة باش يجي لعندك ملّي تكون محتاج.

من أجل دراسة وتشجيع كتر: مزمور 46