لشهر غشت؛ رحمات جديدة كل صباحعينة

الإهتمام أولا الرعاية ديال الله كتجي في أشكال مختلفة. الشراكة الروحية هي أن الله كيهتم بشكل كافي باش يحط الناس في حياتك باش يشجعوك ويوبخوك ويعزّيوك.

قرا هاد المقطع الكتابي مزيان، وملّي تسالي من قرايته، قراه عوتاني:

رَاهْ اللَّهْ خْتَارْكُمْ وْقَدّْسْكُمْ وْكَيْبْغِيكُمْ، هَادْشِّي عْلَاشْ خَاصّْكُمْ تْلَبْسُو الرَّحْمَة، وْاللّْطَافَة، وْالتَّوَاضُعْ، وْالضّْرَافَة، وْالصّْبَرْ، تّْحَمّْلُو بْعْضِيَّاتْكُمْ، وْسَامْحُو بْعْضِيَّاتْكُمْ إِلَا كَانْتْ عَنْدْ شِي وَاحْدْ شْكْوَى ضْدّْ لَاخُرْ، كِمَا غْفَرْ لِيكُمْ الرَّبّْ، هَكَّا خَاصّْكُمْ حْتَّى نْتُمَ تْدِيرُو.وْفُوقْ هَادْشِّي كُلُّه لْبْسُو الْمْحَبَّة حِيتْ هِيَ اللِّي كَتْوَحّْدْ فْالْكَمَالْ. (كولوسي 3: 12-14)

كيواجهنا هاد المقطع دغية بحقيقة أن علاقاتنا هما ماشي مِلك ديالنا. هما ديال الله باش يستعملهم للقصد دياله. مانقدروش نخلّيو نفوسنا يكون عندنا منضور على أننا مّالين العلاقات ديالنا، بحال لو أنهم كاينين لغرض واحد هو سعادتنا. حاجة كبيرة ومهمة وكتغيّر كتقال هنا علينا وعلى علاقاتنا، وهي حاجة خاصنا نعرفوها ونفهموها ونعيشو بيها. هاد المقطع الكتابي هو إعلان على الإحتياج والهوية والدعوة من أجل مؤمن.

أولاً، هاد المقطع كيحدّد حتياجنا. ماكانش الغرض من الخلق أولا الولادة التانية هو باش نعيشو بوحدنا. الحياة المستقلة اللّي كتركّز على الدات ماعمّرها كتوصّل لشي بلاصة مزيانة. خاصنا كلنا نفهمو ونقبلو حقيقة أن مسيرتنا مع الله هي مشاريع داخل مجموعة. ماتصمّمناش باش نعيشو الحياة المسيحية بوحدنا. السبب علاش الله دعانا لهاد النوع ديال العلاقات ديال الجودة العالية هو أن العلاقات هي أداة ماكتعوّضش في يدّه الفادية.

ثانيًا، هاد المقطع كيحدّد هويتنا. فكّر معايا، منين خدا بولس هاد القائمة ديال الصفات الشخصيات؟ الجواب هو أن هادو هما صفات المسيح. كيقول لينا بولس بطريقة مجازية باش نلبسو المسيح، وبهادشي، هو كيحدّد هويتنا في الخدمة ديال الله ديال هنا ودابا. أحسن كلمة من أجل هاد الهوية هي السفير. كل مؤمن مدعو باش يكون سفير ديال الملك المنّجّي. دابا، نت كتعرف بلّي الحاجة الوحيدة اللّي كيديرها السفير هو يمتّل الملك اللّي صيفطه. هادشي كيعني بلّي يسوع كيخلّي حضوره المخفي يكون كيتشاف من خلال شعبه، اللّي كيمتلوه في حياتهم. نت النضرة اللّي على وجه المسيح. نت النغمة ديال صوته. نت اللّمسة ديال يديه. نت الممتّل المادي ديال نعمته. هادي هي مهمتك في كل علاقة في حياتك- باش تخلّي نعمة الملك المخفي تكون باينة.

ثالثًا، هادشي كيحدّد دعوتنا- باش نسوّلو مرارًا وتكرارًا، "شنو كيحتاج هاد الشخص في هاد اللحظة بالضبط من حياته باش يشوف ويعرف على يسوع وعمله؟" دابا، حتّى واحد منّا ماقادر على هاد المهمة، هادشي علاش الفادي اللّي رسلنا، حتّى كيجي معانا باش تكون عندنا النعمة اللّي كنحتاجوها باش نكونو أحسن تمتيل ليه.

من أجل دراسة وتشجيع كتر: أفسس 4: 1-16