لشهر غشت؛ رحمات جديدة كل صباحعينة

الله كيعرف كلشي من قبل الخلق حتّى لما بعد الأخرة. عندك ___ سنة من الخبرة البشرية الملوتة بالخطية. علاش كتتجادل معاه؟ الله دكي كتر!

شحال أنا ماكنعرفش هي حاجة مدهشة بالحق:

• ماكنعرفش كيفاش يمكن يكونو الولاد الصغار من نفس الجينات ومختلفين كليّا.
• ماكنعرفش كيفاش يمكن للنحل يطير.
• ماكنعرفش علاش كندير كل الحوايج اللّي كندير.
• ماكنعرفش شنو جاي غدّا.
• ماكنعرفش شحال غتستمر حياتي.
• ماكنعرفش الدوافع ديال قلبي، فما بالك بقلوب النّاس لخرين.
• ماكنعرفش بزّاف على الفن والعلوم والسياسة.
• ماكنعرفش علاش كنفيق فرحان شي أيام وكنكون حزين في أيام خرا.
• ماكنعرفش بزاف على الخلق وحوايج خرا على القدر.
• ماكنعرفش بزّاف على العمليات ديال الجسد ديالي.
• ماكنعرفش بزّاف على الخدمة ديال دماغي.
• ماكنعرفش علاش الربيع الضار كيغلب الورد.
• ماكنفهمش بالحق شنو اللّي كيعطي الشتا.
• ماكنفهمش غالبًا خطة الله والهدف دياله.
• ماكنعرفش علاش الله كيدير شي حوايج معينة في حياتي.

هادشي غير قائمة قصيرة وتلقائية ديال شي حوايج ماكنعرفهمش. إلا كنت غناخد وقتي، فراه نقدر نعمّر المئات ديال الصفحات بقائمات ديال حوايج ماكنعرفهمش، ومازال حوايج بلا حساب ماغيكونوش كاينين في القائمات غير حيت أنا ماكنعرفش أنني ماكنعرفهمش. في الإعتبار ديال هادشي، حاجة مدهلة نعرفو بلّي الله كيعرف كلشي. أه، قريتيها بشكل صحيح- كلشي. المعرفة دياله غير قابلة للبحت. لا بداية ولا نهاية للفهم دياله. هو ماعمّره كيكون تالف. ماعمّره خاصّه يتعايش مع سوء الفهم. ماكايناش شي حاجة كتفاجئه أولا كتحيره. ماعمّر كيكون صعيب عليه يوفّق بين حقيقة وحقيقة خرا. ماعمّره خاصّه يتعامل مع شي تغرات في معرفته. ماعمّره كيكون في موقف كيتمنى فيه تكون عنده حكمة ديال شخص أخر. ماعمّره خاصّه يعاود يتعلّم شي حاجة. ماعمّره خاصّه يعتارف بلّي داكشي اللّي علّم كان غلط. حتّى واحد عمّره ورّاه طريق الفهم أولا علّمه المعرفة (إشعياء 40:14). إدن هرب من أي فكرة ديال أنك دكي كتر. خود حكمته وكون شاكر على النعمة اللّي كتنقدك من حماقتك وكتربط بهاداك اللّي هو المعيار ديال الحكمة.

من أجل دراسة وتشجيع كتر: إشعياء 40