لشهر يوليوز؛ رحمات جديدة كل صباحعينة

ماتكونش محبط اليوم. بغض النظر على شحال كتحس وحيد، راك تباركتي بالمحبة ديال الأب.

واش كتحس وحيد اليوم؟ واش كاينين شي طرق فيهم كتحس غريب وماشي محبوب؟ واش كتحس الناس كيشوفوك غلط أولا كيفهموك غلط؟ واش كتحس بلّي الناس كيدوزو عليك وماكيقدّروكش؟ واش كتحس بنفسك مهرّس ومحتاج الإصلاح؟ واش كتعاني باش تلقا أسباب باش تستمر؟ واش كتتساءل على واش كل هادشي كيستحق؟ واش كيبان بحال ماكاين حتّى واحد تشارك معاه قلبك؟ واش كتتساءل شي مرّات على واش كاين شي واحد كيهتم؟ ملّي الأمواج ديال الوحدة والإحباط كيطيحو عليك، لفين كتهرب، فين كتتخبّع؟

كتعجبي الصور ديال العناية الحنينة ديال الله في إشعياء 42: 3: "قصبة مشققة ماغيهرّسش، وفتيلة ضعيفة شاعلة ماغيطفيش." شحال زوينة هاد الصورة هنا! تخيّل أنّك كتمشي وسط الغابة ولقيتي شجرة صغيرة عندها جدع مايل وقريب يتهرّس معلّق بشكل عوج. ونت عفويّا كملتي الخدمة، قعطتي الجدع كليّا. بّاك السماوي ماعمرو يكون طائش بحال هاكدا. ماعمره يفكّر يهرّسك في وسط الطريق. هو كيجي لعندك بالنعمة باش يعزّيك، يقوّيك، يشجعك، ويجددك. محبته ليك حنينة وأمينة. هو قريب منّك ملّي كيبان أنه ماكاين حتّى شخص أخر قريب ليك. غادي يعتني بيك ملّي حتّى واحد ماكيعتاني بيك. غادي يشفي جروحك ملّي حتّى واحد حداك ماكيشوف شحال نت مجروح. ماعمّره يضحك عليك أولا يستغل الضعف ديالك. ماغيخلّيكش تدوز بلا ما يشوف فيك أولا يتجهالك. إلا كنتي ولده، فراه مستحيل تكون بوحدك وماشي محبوب حيت الأب ديالك السماوي هو معاك وكيمد ليك يدّه بمحبة الحنينة واللّي كتجدّد.

تخيّل أن ديك العافية الصغير الأخيرة في الشمعة اللّي كتضوّي عليك هي خافتة وقريبة تموت. في لحضة تسالا ليك الصبر وكنتي محبط، مدّيتي يدّيك وبصبعك طفيتي أخر نفس ديال الحياة فيها. الأب ديالك السماوي ماعمّره يفكّر يدير هادشي ليك. في النعمة، كيجي لعندك كمانح للحياة وماشي كمدمّر للحياة. ملّي كيموت الرجاء ديالك وكيموت الإيمان ديالك، هو ماكيتسالاش الصبر دياله وماكيعياش منّك. الرحمة دياله الزوينة كتنفخ الحياة في قلبك والحيوية في روحك. هو تقيل في الغضب وكتير الرحمة. هو المصدر ديال كل حنان حقيقي. هو بالحق الأب ديال التعزية. هو رئيس رجال الدين حنين اللّي كيأتّر فيه شعورنا بالضعف وكيعطينا غير الرحمة اللّي كنحتاجوها في وقت الإحتياج. هو الصديق الأمين الدائم. هو الأب اللّي كيغوّت لينا باش نمشيو للحضن دياله باش نتعزّاو بمحبته. أه، يمكن تكون الحياة صعيبة بزّاف، ويمكن يكونو الناس قاسحين بزّاف، وكاينين أوقات كتبقا فيهم بوحدك، ولكن ماعمّرك كتكون وحيد كليّا حيت الأب ديالك هو معاك في محبة حنينة كتغيّر.

من أجل دراسة وتشجيع كتر: عبرانيين 5: 1-5