لشهر يوليوز؛ رحمات جديدة كل صباحعينة

بما أن الله كيغفر بالنعمة، فراه ماشي منطقي تتخبّع، تعطي أعدار، أولا تلوح اللومة ملّي تواجهك خطيتك.

هاهي الخلاصة ملّي كنهدرو على الصراحة الأخلاقية- النكران متجدّر في الخوف والاعتراف متجدر في الرجاء. ماتقدرش تاخد الرجاء الجدري ديال شخص وعمل الرب يسوع المسيح والاندفاع ديالنا باش نقدّمو نفوسنا على أننا ماشي محتاجين يكون منطقي. ولكن هاد الغريزة ما زال حية وقوية في بزّاف منّا. ملّي كنتواجهو مع دنوبنا، فراه حنا كنعطيو أعدار لنفوسنا دغيا أولا كنلوحو اللومة. ملّي ضمائرنا كيأنبونا، فحنا كنخبّعو الخطأ اللّي رتاكبناه كيما آدم وحواء تخبعو من الله في الجنة، أولا كنحاولو نقنعو نفوسنا بلّي داكشي اللّي درناه ماكانش خايب بزّاف في الأخير.

دابا، حيت العالم ديال الله هو كبير بزّاف، ديما كاينين بلايص باش نتخبعو، وحيت نت كتعيش في عالم مخدّامش حسب القصد ديال الله، وديما غيكونو ناس وحوايج باش نلوموهم، ولكن هادشي كلّه غير كدبة وحدة كبيرة، مُحزِنة، وغير منطقية. علاش أنا ونت كنحاولو بقوة باش نخبعو أولا نكرو داكشي اللّي تغفر بالكامل وكليّا وللأبد؟ علاش كنحاولو بقوة باش نتضاهرو بلّي حنا ماشي خطاة ملّي رسالة الإنجيل هي أن يسوع كيحب الخطاة وكيقبلهم؟ علاش كنتخبعو مورا الإحساس بالدنب ملّي يسوع خدا إحساسنا بالدنب كليّا؟ علاش كنخلّيو نفوسنا تكون محفزة بالإحساس بالعار ملّي يسوع خدا عارنا بخاطره؟ علاش كنركبو الوجه المزوّر ديال التقوى ملّي يسوع زاد التقوى دياله في حسابنا؟ علاش كنخافو من الغضب ديال الله ملّي يسوع هز الحْمْل الكامل ديال غضب الله في بلاصتنا على الصليب؟ علاش كنخممو في شنو غيفكرو علينا الناس لخرين إلا كنا صادقين على دنوبنا ملّي هاداك اللّي في يديه المصير ديالنا هو قبلنا بحال لوكان ماعمّرنا خطينا؟ علاش كنكرو شكون حنا وشنو حنا محتاجين ملّي التدبير الكامل تعطا؟ علاش كنتصرفو بحال شي وحدين اللّي هما ماشي حنا ملّي النعمة جات حتّى لفين كاينين حنا؟ علاش كنتصرفو بحال حتّى واحد ماغيفهمنا ملّي تعطا لينا رئيس رجال الدين أمين ومتفهّم واللّي كيتعاطف مع كل النقط ديال ضعفنا؟ علاش كنتصرفو بحال لو أنه ماكاينش رجاء للناس بحالنا ملّي المنجّي ديالنا غلب الخطية والموت من أجلنا؟ علاش كرنمو الحق ديال الإنجيل نهار الأحد وفي التطبيق كنكرو الإنجيل في وسط السيمانة من خلال أعمال النكران، نعطيو الأعدار، واللومة؟ علاش كتدافع على نفسك ملّي كيشير شي واحد من عائلتك لشي خطأ أولا كتلقا شي عدر لنفسك ملّي كتحصل؟ علاش قدّام الغلط، كتحاول تخفّف الألم ديال التأنيب من خلال أنك تتدابز مع التحفيز ديال الروح القدس الكريم؟

بولس شجّع المؤمنين في كولوسي باش "خَاصّْكُمْ تّْبْتُو فْإِيمَانْكُمْ اللِّي مْبْنِي عْلَى السَّاسْ الصّْحِيحْ، بْلَا مَا تْبَعّْدُو عْلَى الرّْجَا دْيَالْ الْإِنْجِيلْ اللِّي سْمَعْتُوهْ" (كولوسي 1: 23).خلّي الأعدار، النكران، وكل الأعمال لخرا ديال الإنجيل ديالك اللّي ماشي منطقي واللّي كتقلل من خطورة خطيتك. بهاد الطريقة، ماعمّرك تنسا الرجاء الرائع اللّي تعطا ليك في يسوع.

من أجل دراسة وتشجيع كتر: فيلبي 3: 1-11