لشهر يوليوز؛ رحمات جديدة كل صباحعينة

علاش غتخاف ملّي نت تقبلتي كليّا في المسيح، وتغفرتي للأبد، وخديتي كلشي بكترة؟

شنو هما التلاتة ديال الأسئلة اللّي كلنا كنسولوهم واللّي ديما بشي طريقة كيطيّرو نعاسنا؟

1. واش غنكون محبوب؟
2. واش الناس غيقبلوني ملّي يتعرفو عليّا مزيان؟
3. واش غناخد داكشي اللّي كنحتاج باش نعيش؟

بشي طريقة، كلنا كنخافو من الرفض، من يحكمو علينا الناس، ومن الفقر. بشي طريقة، كل شخص عاش في أي وقت في الماضي كيقلّب على المحبة وكيخاف بزّاف أنه ماغيلقاهاش. هادشي علاش شي قصة ديال الحب ديما كتكون عندها شعبية كبيرة. بشي طريقة، كلنا كنخافو يحكمو علينا الناس. هي كتخاف تنزل عليها المطرقة حيت فشلات توصل للمستوى المطلوب وغتدوّز حياتها كتخلّص التمن ديال جرائمها. هادا هو السبب علاش قصص الرحمة والغفران دغيا كيجدبو اهتمامنا وكيلمسونا من لداخل. بشي طريقة، كلنا كنخافو نكونو فقراء. كلنا كنخافو مايكونش عندنا كافي باش نعيشو. كنخافو يفلت النجاح من يديّنا ونولّيو كنطلبو في الشارع. هادشي علاش السبب في أننا كلنا كنحبّو القصص ديال "من الفقر للغنى".

واش ماشي مدهش بلّي كل وحدة من هاد المخاوف الأساسية ديال الإنسان هدر عليها وحلّها إنجيل الرب يسوع المسيح؟ أولاً، الإنجيل هو أحسن قصة حب في العالم. هو قصة إله ديال المحبة اللّي حط محبته على ناس ماكيستحقّوش محبته. هاد الله صيفط محبته باش يقدّم تضحيّة ديال المحبة باش ولاده يقدرو يمشيو للحضن دياله ويولّيو جماعة ديال محبة كتاخد محبته لهادوك اللّي هما في أمس الحاجة لديك المحبة.

راه إنجيل يسوع المسيح هو أروع قصة غفران في العالم. هي قصة ديال هاداك اللّي كان مستعد يموت من أجل جرائم مارتاكبهاش باش الناس اللّي رتاكبو ديك الجرائم يتغفرو بشكل كامل وكلّي من كل خطأ رتاكبوه أولا مازال غيرتاكبوه. هي قصة رائعة ديال إله تقي دار طريق من خلال التضحية ديال ولده باش يغفر للمتمردين على سلطته بلا مايقيس قداسته بأي شكل.

راه إنجيل يسوع المسيح هو أعضم قصص التدبير والعطاء. هي قصة إله خلق، وكيسيطر، وكيملك كلشي، كيحل المخزن الكبير ديال المؤونة دياله من أجل المتمردين الفقرا اللّي ماكيستحقوش ولكن كياخدو كلشي من خلاله. هي قصة فين حتّى حتياج مابقا بلا مايتسد وحتّى هدية ضرورية مابقات بلا ماتتعطا. هي قصة ديال وديان ديال المؤونة اللّي ماعمّر كتقاضا.

إلا كنتي ولد الله، فراه ماخاصّكش تخلّي هاد الأسئلة العميقة ديال الحياة تأتّر فيك. كل سؤال منهم لقا الجواب في شخص وعمل المّنجّي ديالك، الرب يسوع المسيح. بسبابه نت محبوب. بسبابه نت تغفرتي. وبسبابه، عندك كل ماكتحتاج. شكون من غير إلهنا يقدر يكتب قصة بحال هادي؟

من أجل دراسة وتشجيع كتر: فيلبي 4: 10-20