لشهر يوليوز؛ رحمات جديدة كل صباحعينة

الله غادي يغوّت عليك باش تدير شنو ماتقدرش تدير، ولكن هو غيوفّر ليك كل ماكتحتاج باش تدير هادشي.

نوح ماكانتش عنده القوة باش يدخّل كل دوك الحيوانات في الفلك، ولكن الرب عطاه اللّي لازم باش هادشي يوقع.

يوسف ماكانتش عنده القدرة باش يحافض على حياته ويدير نفسه في منصب القوة في مصر، ولكن الرب خلّا هادشي يوقع.

موسى ماكانش عنده القدرة باش يحّرر بني إسرائيل من العبودية في مصر، ولكن الرب قوّاه باش يقودهم لأرض الموعد.

بني إسرائيل ماكانوش عندهم الوسائل باش يقطعو البحر الأحمر، ولكن الرب قسم الما ليهم.

المهاجرين في البرية ماكانتش عندهم حتّى وسيلة باش ياكلو ويتهلّاو في نفوسهم، ولكن الرب عطاهم كل ماكيحتاجو.

بني إسرائيل ماكانتش عندهم حتّى وسيلة باش يهزمو مدينة أريحا اللّي دايرين بيها السوار، ولكن الرب عطاهم النصر.

داود ماكانت عنده حتّى قوة شخصية باش يغلب جليات، ولكن الرب عطاه الشجاعة والقوة في الوادي ديال إيلة.

شَدْرَخُ وَمِيشَخُ وَعَبْدَنَغُوَ ماكنتش عندهم القدرة يحميو نفوسهم باش مايتحرقوش في العافية ديال الفرّان، ولكن الرب حفض حياتهم.

التلاميد ماكانتش عندهم حتّى طريقة باش يوكلو الناس الجيعانين اللّي تجمعو باش يسمعو يسوع، ولكنه هو وكّلهم مزيان من الغدا ديال درّي صغير.

بولس ماكانتش عنده القدرة باش يحمي نفسه والناس اللّي كانو معاه من الغرق ديال الباطو، ولكن الرب ستعمل قوته باش مايموت حتّى واحد.

الرسل ديال المسيح ماكانتش عندهم القدرة باش يوصلو إنجيل يسوع المسيح للعالم، ولكن الرب عطاهم ورزقهم باش يقدرو يديرو هادشي.

أنا ونت ماعندناش القدرة الطبيعية باش نوقفو ونديرو داكشي اللّي الله دعانا نديروه، ولكن هو كيرفض يخلّينا مع مواردنا الخاصة. هو ماشي غير حكيم أولا قاسح أولا غير أمين لدرجة أنه يغوّت علينا لشي مهمة بلا مايقوّينا باش نديروها. مانقدرش نحب مراتي بالطريقة اللّي كيحب بيها يسوع الكنيسة، ولكن الله ماخلّانيش مع طبعي وقوتي. مانقدرش نحافض على الطهارة ديال قلبي، هادشي علاش عمّرني الله بروحه اللّي كتقوّي. شفتي، داكشي اللّي كتقوله رسالة بطرس التانية 1: 3 صحيح بالحق: عْطَانَا كُلّْ مَا كَنْحْتَاجُو لِيهْ فْالْحَيَاةْ وْفْالتَّقْوَى. راه الله اللّي كيدعينا لأسلوب حياة جديدة وجدرية، هو كيعاونا بنعمة جدرية كتقوّي. كون شجاع. كن خدّام. المنجّي ديالك هو بالحق قوتك.

من أجل دراسة وتشجيع كتر: نحميا 6