لشهر يوليوز؛ رحمات جديدة كل صباحعينة

النعمة ماشي كتعاونك غير باش تدير حوايج مختلفة وصافي، ولكن باش تولّي شخص مختلف كليّا من خلال أنها كتغيّرك من قلبك.

بغيت ناخدك دابا لوحدة من أشهر الصلوات ديال الاعتراف في الكتاب المقدس. المشكلة كاينة في أن الأغلبية منّا ولّفناها بزّاف لدرجة أننا حبسنا نتأملو فيها بالطريقة اللازمة باش ناخدو منها الإنقاد اللّي كتقدمو. هاد الاعتراف هو ديال داود في مزمور 51: 1-12:

رحمني يا الله حسب الرحمة ديالك التابتة. حسب شحال كتيرة الرحمة ديالك مسح المعاصي ديالي.

غسلني مزيان من الإتم ديالي وطهّرني من خطيتي!

حيت أنا عارف المعاصي ديالي ودنوبي ديما قدّامي.

غير ضدك نت دنبت ودرت الشر قدّام عينيك، باش تتبرّر في كلامك وبلا لومة في الحكم ديالك.

ها أنا بالاتم تولدت، وبالخطية حملات بيّا الأم ديالي.

ها نت كتفرح بالحق في الإنسان الداخلي، وكتعلّمني الحكمة في القلب المخفي.

طهّرني بعشبة الزوفا وغنكون طاهر. غسلني ونولّي بيض كتر من التلج.

خلّيني نسمع الفرح والبهجة. خلّي العضام اللّي هرّستي تفرح.

ستر وجهك من الدنوب ديالي ومسح كل الأتام ديالي.

خلق فيّا قلب نقي يا الله وجدّد فيّا لداخل روح مستقيمة.

ماتجرّيش عليّا من قدّام وجهك وماتحيّدش روحك القدس منّي.

رجّع ليّا الفرح ديال النجاة ديالك، وهزني بروح مستعدة.

ركّز مزيان في الكلمات ديال صلاة داود. هادي ماشي غير صلاة اعتراف- هي صرخة من أجل التغيير. هو كيعترف بلّي مشكلته ماشي في المحيط دياله، ولكن المشكل في ولادته؛ جا للعالم مع هاد المشكل. هو كيعترف بلّي مشكلته ماشي خارجية ولكن راها داخلية؛ هي مشكلة "الإنسان الداخلي". هادشي علاش هو كيصرخ وكيطلب داكشي اللّي كيحتاجه كل مُدنب: قلب جديد. هو حاجة غير الله يمكن يخلقها. هي البؤرة ديال خدمته ديال النعمة. هو بغا كتر من غير سلوك مصلوح؛ هو صيفط ولده باش يموت من أجلك باش يكون عندك قلب جديد، كيتجدّد باستمرار. إلا كان قلبك هو مشكلتك، فراه النعمة اللّي كتغيّر القلب هي رجائك الوحيد.

من أجل دراسة وتشجيع كتر: متّى 15: 10-20