لشهر يوليوز؛ رحمات جديدة كل صباحعينة

نعمة الله كتعيّط عليك باش تتألم وباش تتسنّا، ولكن هي ماعمّرها كتعيّط عليك باش توقف بقوتك الخاصة أولا توقف بوحدك.

الكتاب المقدس ماعمّره كينكر الواقع. الكتاب المقدس ماعمّره كيقلّب غير على الأمان. الكتاب المقدس ماعمّره كيقدّم ليك نظرة شاملة بالماكياج على العالم الساقط. الكتاب المقدس ماعمّره كيخدعك باش تفكّر بلّي كلشي هو حسن من الحقيقة. الكتاب المقدس هو ديريكت وصادق ولكن ماشي خاوي من الرجاء. واخّا هو صريح بزّاف على المصاعب ديال الحياة في هاد العالم المكسور، فراه الكتاب المقدس فيه الرجاء. الصدق ما كيسحقش الرجاء، ولكن حتّى الرجاء ماكيكونش ضد الصدق. المزمور 28 هو متال مزيان على الانسجام المهم بين هاد الجوج مواضيع:

ليك يا رب كنغوّت، الصخرة ديالي ماتكونش صمك معايا، إلا نت ساكت معايا، كنولّي بحال هادوك اللّي نازلين في البير.

سمع الصوت ديال طَلَباتي للرحمة، ملّي كنغوّت ليك طالب المساعدة، ملّي كنهز يدّي للقدس ديالك.

ماتجرنيش مع الأشرار، مع اللّي كيديرو الشر، اللّي كيتكلمو بالسلام مع جيرانهم والشر في قلوبهم.

عطيهم حسب أعمالهم وحسب شر أفعالهم. عطيهم حسب أعمال يدّيهم. عطيهم أجرهم اللّي كيستحقّوه.

حيت ماكيشوفوش في أعمال الرب ولا في خدمة يدّيه، هو غيهدمهم وماغيبنيهمش عاوتاني.

الرب مبارك!

حيت سمع صوت طَلَباتي للرحمة.

الرب قوتي والدِّرع ديالي. فيه كيتيق قلبي وهو كيعاونّي. كيفرح قلبي وكنشكره بترانيمي.

الرب قوة شعبه. هو الملجأ المنجّي ديال مسيحه.

يارب، نجّي شعبك وبارك ورتك!

كون الراعي ديالهم وهزهم للأبد ".

هاد المزمور ديال المشاكيل كيسالي وهو مزمور ديال رجاء منوّر. هادي هي قصة حياة كل مؤمن، حيت أنا ونت ماشي بوحدنا في مشكلتنا. "الملجأ المنجّي" معانا دايما!

من أجل دراسة وتشجيع كتر: مزمور 35