لشهر يوليوز؛ رحمات جديدة كل صباحعينة

الخطية كتخلّيني نكون مقتنع بزّاف بالتقوى ديالي ومركّز بزّاف في خطيتك.

هادا واحد التوبيخ مؤلم، كلام قاسح كيورّي لينا التقوى الداتية اللّي كتخوّف ديال الخطية:

وْكْتَبْ لْلْمَلَاكْ دْيَالْ كْنِيسْةْ لَاوُدِكِيَّة:هَا مَا كَيْݣُولْ اللِّي هُوَ الْحَقّْ، الشَّاهْدْ الْأَمِينْ الصَّادْقْ، أَصْلْ الْخَلِيقَة دْ اللَّهْ.

كَنْعْرَفْ كُلّْ مَا كَتْدِيرْ، بْلِّي رَاكْ مَا بَارْدْ مَا سْخُونْ.كُونْ غِيرْ كْنْتِ بَارْدْ وْلَا سْخُونْ!وْعْلَاحْقَّاشْ نْتَ دَافِي، وْمَا بَارْدْ مَا سْخُونْ، رَانِي غَنْتْقِيَّاكْ مْنْ فُمِّي،حِيتْ كَتْݣُولْ: أَنَا لَبَاسْ عْلِيَّ وْزْدْتْ خِيرْ عْلَى خِيرْ، وْمَا بْقَى خَاصّْنِي وَالُو، وَلَكِنْ مَا كَتْعْرَفْشْ بْلِّي رَاكْ مْتْعُوسْ، وْمْحْݣُورْ، وْفَقِيرْ، وْعْمَى، وْعْرْيَانْ.كَنّْصْحَكْ تْشْرِي مْنْ عَنْدِي الدّْهَبْ الْمْصَفِّي بْالْعَافْيَة بَاشْ تْوَلِّي لَبَاسْ عْلِيكْ، وْتْشْرِي حْوَايْجْ بِيضِينْ بَاشْ تْلْبَسْهُمْ وْتْسْتَرْ الْعْرَا دْيَالْكْ وْمَا تْبْقَاشْ مْحَشّْمْ. وْالْكْحُلْ تْكَحّْلْ بِيهْ عِينِيكْ بَاشْ تْقْدَرْ تْشُوفْ.ݣَاعْ اللِّي كَنْبْغِيهْ، كَنْخَاصْمْ عْلِيهْ وْكَنْرَبِّيهْ. إِيوَا دِيرْ جَهْدْكْ وْتُوبْ" (رؤيا 3: 14-19)

هاهي المشكلة اللّي هاد الكلام الصعيب كيعالجها من خلال تحدير كلنا كنحتاجو نسمعوه: أنا ونت بغينا نفكرّو بلّي حتّى واحد ماعنده رؤية واضحة ودقيقة علينا كتر منّا. كنميلو كلنا باش نكونو واتقين بزّاف من نضرتنا لنفوسنا. كنديرو هادشي حيت ماكناخدوش بجدّية داكشي اللّي الكتاب المقدس كيقولو على الدينامية ديال العمى الروحي. إلا كانت الخطية خدّاعة (وراه هي خدّاعة)، وإلا كانت الخطية كتعمي (وهي كتعمي)، تما مادام الخطية ما زال عايشة فيّا، راه غيكونو بقع ديال العمى الروحي. أنا بكل بساطة ماغنشوفش نفسي بالوضوح اللّي كنضن أنا كنشوف بيه. باللغة ديال الفقر والغنى، المقطع اللّي هدرنا عليه بشكل أساسي كيقول، "كتشوف في نفسك وكتضن أنك بخير، ولكن راك بعيد كل البعد على باش تكون بخير".

الخطية ماشي غير كتعمي، ولكن بصفتنا خطاة، حنا كنشاركو في العمى ديالنا. حنا كلنا كنخدعو نفوسنا باش نفكرو بلّي حنا حسن من الواقع ديالنا، وبلّي داكشي اللّي كنديروه هو مزيان ملّي في الحقيقة هو ماشي مزيان في نظر الله. الواقع الروحي هو أننا بحال ناس متشردين عريانين، ولكن كنشوفو نفوسنا أغنياء وواعرين. هادي صورة محرجة ومخجلة. هاد الصورة الكتابية كتواجهنا بشحال عميق التشوّه والوهم ديال نظرتنا لنفوسنا. ماتبداش تدافع على نفسك ونت كتقرا هادشي؛ قبل هاد التحدير.

إدن هاشنو كيوقع. ملّي كتفكّر بلّي عندك هاد الحاجة اللّي كتشبه للتقوى، تمّا كتحبس تخمّم في نفسك وكتبدا تركّز على الخطايا ديال الناس لخرين. كتحتاج بزّاف باش تعرف بلّي راك في مشكلة روحية ملّي كتكون مهتم بخطية الشخص اللّي حداك كتر من هتمامك بخطيتك. النظرة الروحية الواضحة ديما كتدّي للحزن الشخصي والاعتراف، وماشي تحكم على جارك. ربما عينيك يقدرو يكونو مسدودين كتر من اللّي كتفكّر. ربما ماكتعرفش نفسك كيما كتفكّر. صلّي من أجل خدمة الروح القدس الحلّوة، المُحبّة، اللّي كتعطي البصيرة، واللّي كتأنّب. وجوده فيك هو نعمة.

من أجل دراسة وتشجيع كتر: رؤيا 2-3