لشهر يوليوز؛ رحمات جديدة كل صباحعينة

نت تخلقتي باش تكون كتعتامد على الله، هادشي علاش راه أحلامك في الاعتماد على الدات والاكتفاء الداتي غتكون كوابيس وماشي أحلام.

علاش صعيب على بزّاف منّا نطلبو المساعدة؟ علاش صعيب علينا تعتارفو بلّي حنا ماكنعرفو والو؟ علاش كنحاولو نديرو حوايج ماعمّرنا درناهم من قبل بلا ما نقراو التعليمات؟ علاش صعيب علينا نعتارفو بلّي مانقدروش نوصلو للمسعى ديالنا بوحدنا؟ علاش صعيب علينا نعتارفو بالضعف والجهل ديالنا؟ علاش كيقاومو لولاد التعليمات ديال الوالدين ديالهم؟ علاش الخدّامة كيكرهو يقول ليهم الشاف ديالهم شنو يديرو؟ علاش ماكيعجبناش نسولو على الطريق؟ علاش كنحاولو بقوة باش نبانو بلّي حنا مستاعدّين، وعارفين، وقادرين من الواقع ديالنا؟ علاش حنا غالبًا كنبعّدو الناس علينا ملّي كيبغيو يعاونونا؟ علاش كنقولو للناس بلّي حنا بخير ملّي بالحق حنا ماشي بخير؟ علاش كنديرو بحال حنا نتعاملو مع الحوايج اللّي حنا بالحق ماكنفهموهمش؟ علاش كنترددو نستاشرو الطبيب، المُرشد، أولا الصديق الحكيم؟ علاش كنخلّيو الاستقلال يزيد في مشاكلنا؟ علاش؟

الجواب كيبان واضح وبسيط بزّاف، ولكن واخا هاكداك راه هو الجواب على هاد الأسئلة. الجواب على كل سؤال من هاد الأسئلة هو الخطيّة. الاعتماد على الدات والاكتفاء الداتي هما الخدمة ديال الخطية في القلب. هوشع 10: 13 كيقول هادشي بقوة: "راكم زرعتو الشر وحصدتو الإتم. كليتو الغلة ديال الكدوب. حيت تقتي في طريقك وفي المحاربين ديالك ". رد البال مع السبب والنتيجة في هاد المقطع. النبي في الأساس هو كيسوّل: "علاش عشتي النجاسة الأخلاقية؟ علاش تحملّتي الظلم؟ علاش قبلتي داكشي اللّي ماشي صحيح؟ " كاين جواب واحد محتمل لهاد الأسئلة، وهو ماشي الجواب اللّي بغينا نسمعوه. كل هاد الحوايج وقعات، كيما كيقول النبي، حيت بغيتي وتقتي في طريقك وعتامدتي على قوتك.

صعيب نقبلو هادشي، ولكن راه مهم بزّاف نعتارفو بتواضع. حوايج خايبة كتوقع ملّي كنحاولو نعيشو كيما ماتخلقناش باش نعيشو. الخطية كتخلّينا ننكرو حتياجنا لله وللنّاس لخرين. الخطية كتخلّينا نعطيو لنفوسنا الحكمة والقوة والتقوى اللّي ماعندناش. الخطية كتخلّينا نحيدو الله من العرش ديال الحكم ونحطو نفوسنا. الخطية هي متكبرة بشكل كيصدم وهي كتيق في نفسها. الخطية كتخلّينا بالحق نطيحو كلنا في الفخ ديال الوهم بلّي حنا نقدرو نكونو بحال الله. وحيت الخطية كتدير هادشي بينا كلنا، هي مظلمة، مخادعة وخطيرة. باش يكون الاعتماد على الدات والاكتفاء الداتي هما النهج ديالك الأساسي في الحياة، هادشي ماعمّر يوصلك لشي حاجة مزيانة. الخطية ديما كتدّي للموت بشي طريقة. هادشي علاش حنا محتاجين نتنقدو من السعي ديالنا مور الاستقلال وندخلو في علاقة مع هداك اللّي هو بالحق عنده كل ما كنحتاجو. وهادشي بالضبط اللّي كتديره نعمة يسوع فينا!

من أجل دراسة وتشجيع كتر: يعقوب 3: 13-16