لشهر يوليوز؛ رحمات جديدة كل صباحعينة

ماغتاخدش الحكمة من خلال الخبرة أولا البحث. غتاخد الحكمة من خلال واحد العلاقة. النعمة كتخلّي هاد العلاقة ممكنة.

هادي واحد النتيجة ديال الخطية اللّي غالبًا ماكنقللو من خطورتها وكتكون مضلمة وخطيرة. شنو هي؟ الخطية كتخلينا كلنا نكونو حمّاق. للأسف، كنورّيو هاد الحماق ديالنا كل نهار. كنضنّو بلّي نقدرو نخسرو الفلوس اللّي بغينا باش نشبّعو رغباتنا اللّي كتبان ماكتساليش بلا مانطيحو في كريدي ماعندوش مخرج. كنضنّو بلّي الجنس، الماكلة، المتعة غادي يسدّو الجوع ديال قلوبنا من أجل السعادة والحياة. كنضنّو بلّي نقدرو نتمردو ضد السلطة، وكلشي غيكون بخير في الأخير. كنضنّو بلّي نقدرو نكونو أنانيين ومتطلبين في علاقاتنا، والناس اللّي عزاز علينا مازال غيبغيو يكونو قراب منّا. كنضنّو بلّي نقدرو نتبعو الملدات ديال الخليقة في أي وقت وبأي طريقة بغينا، وبلا مانولّيو غلاض، مدمنين، وعامرين كريدي. كنضنّو بلّي نقدرو نتخطّاو الحدود ديال الله بلا عواقب. كنضنّو بلّي كنستحقّو داكشي اللّي ماكنستحقوهش ونقدرو نديرو اللّي مانقدروش نديروه. بشكل كيصدم، كاينين بزّاف د المرّات كتر من اللّي نقدرو نشوفو أولا مستاعدّين نعتارفو بيهم ملّي كنضنّو بلّي حنا دكيّين كتر من الله.

بالنسبة للخطاة (وهادشي كيشملنا كلنا)، الحكمة ماشي حاجة طبيعية. هي وحدة من أهم الحاجات اللّي كتقلّب عليها الإنسانية. ربما كاينين شوية ديال الأسئلة أهم من هادا: "فين كاينة الحكمة؟" صعيب علينا نكسبو الحكمة من خلال البحت أولا الخبرة حيت هما كيصفّيوهم وكيفسروهم قلوبنا الحمقين! راه هنا فين الكتاب المقدس كيعطينا رسالة قوية معارضة للحدس ديالنا. ماتقدرش تشري الحكمة. ماتقدرش تاخدها من خلال خدمة جادّة أولا بزّاف ديال الخبرة. لّا، الحكمة هي نتيجة ديال الإنقاد والعلاقة. باش تكون حكيم، خاصّك في اللّول تنجا من نفسك. خاصك تاخد قلب جديد، قلب محتاج، متواضع، كيقلّب، ومستعد ياخد من لفوق داكشي اللّي مايقدرش يلقا على الأرض. ومن بعد تدخل في علاقة مع هاداك اللّي بنفسه هو الحكمة. كتقول كولوسي 2: 3 على يسوع، "وْاللِّي فِيهْ مْجْمُوعِينْ ݣَاعْ كْنُوزْ الْحْكْمَة وْالْمَعْرِفَة". فكّر في هادشي: راه النعمة ربطاتك بهاداك اللّي بنفسه هو الحكمة. راه النعمة خلّات الحكمة تعيش في الداخل ديالك. هادشي كيعني أن الحكمة هي ديما معاك وديما مُتاحة ليك.

هاداك اللّي بنفسه هو الحكمة دابا كيرشدك. الحكمة كيحميك. الحكمة كيأنبك. الحكمة كيعلمك وكيخلّيك تنضج. الحكمة كيشجعك وكيعزّيك. الحكمة كيخدم باش يغيّر أفكارك ويعاود يوجّه رغباتك. الحكمة كيغفر ليك الماضي ديالك وكيهز مستقبلك بين يديه. والحكمة غيرحّب بيك في الحياة الأبدية فين الحماق ماغيكونش مازال. اليوم عوتاني كتورّي حتياجك للخدمة ديال الحكمة. ما تقاومش. طلب المساعدة بقلب شاكر؛ الحكمة ولّات معاك للابد.

من أجل دراسة وتشجيع كتر: الأمتال 2