In God se Hande

“Moenie bang wees vir dié wat die liggaam doodmaak, maar die siel nie kan doodmaak nie. Nee, vrees Hom eerder wat sowel die liggaam as die siel in die hel kan laat vergaan" (Matteus 10:28).

Ek glimlag altyd as ek mense hoor sê: "Wanneer ek in die hemel kom, het ek 'n paar vrae wat ek vir God wil vra." In alle regverdigheid, daar is baie vrae in die lewe: Waarom het God hierdie tragedie toegelaat? Hoekom het Hy toegelaat dat dit gebeur?

Maar ek glo, een sekonde nadat ons in die hemel gekom het, sal ons nie meer oor daardie vrae omgee nie. Ons sal God sien vir wie Hy is, en al die ander dinge sal duidelik word.

Op die oomblik is ons begrip baie beperk. God se wysheid is egter wonderlik groot en oneindig. Die Bybel sê: “Nou kyk ons nog in 'n dowwe spieël en sien 'n raaiselagtige beeld, maar eendag sal ons alles sien soos dit werklik is. Nou ken ek net gedeeltelik, maar eendag sal ek ten volle ken soos God my ten volle ken" (1 Korintiërs 13:12).

Die hemel sal groter wees as enigiets wat ons ons ooit voorgestel het. Ons kan die wonderlikste ding wat ons ooit in die lewe ervaar het 'n miljoen keer vermenigvuldig, en dit sal ons net 'n blik gee van hoe die hemel sal wees. Die goeie nuus is dat dit vir ewig en altyd sal aanhou.

Met dit in gedagte, kom ons dink waarvoor ons regtig bang is. Kom ons kyk na die mees skrikwekkende gebeurlikheid denkbaar. Wat is dit? Die ergste gebeurlikheid is nie die dood nie. Die ergste gebeurlikheid is om sonder Jesus te sterf. Dit is die ergste gebeurlikheid. Dit is die som van alle vrese.

Jesus het gesê: “Moenie bang wees vir dié wat dié liggaam doodmaak, maar die siel nie kan doodmaak nie. Nee, vrees Hom eerder wat sowel die liggaam as die siel in die hel kan laat vergaan" (Matteus 10:28). As jy op Christus vertrou, moenie bang wees nie. Om te lewe is Christus en om te sterf is wins. Ons lewens is in God se hande.

Kopiereg © 2017 deur Harvest Ministries. Alle regte voorbehou.