Deur die Vuur

"As jy deur water moet gaan, is Ek by jou, deur riviere, hulle sal jou nie wegspoel nie; as jy deur vuur moet gaan, sal dit jou nie skroei nie, die vlamme sal jou nie brand nie" (Jesaja 43:2).

Jare gelede het my vrou biefstuk gaargemaak, en soos gewoonlik, het sy die plaat aangeskakel en iets anders gaan doen. In hierdie besondere geval het sy van die biefstuk vergeet. Sy het gesê: “Iets brand. Wat ruik so?”

Kom ons sê net sy het hopelik 'n les geleer.

Ek is dankbaar wanneer ons as gelowiges deur vurige beproewinge gaan, God nie afgelei word nie, Hy nie van ons vergeet en ons net so los nie.

Dawid het in Psalm 23 geskryf: “Selfs al gaan ek deur donker dieptes, sal ek nie bang wees nie, want U is by my. In u hande is ek veilig" (vers 4).

Ons moet onthou om ons probleme op die Here te werp en dit in tye van nood aan Hom oor te gee.

Toe die mense by Moses gekerm en gekla het, vertel die Bybel ons dat Moses die Here aangeroep het. Toe Hiskia 'n intimiderende brief van 'n koning ontvang wat dreig om hom te vernietig, het hy die brief voor die Here gelê. Toe Maria en Marta sien dat hulle geliefde broer, Lasarus siek is, het hulle 'n boodskap aan die Here gestuur.

Wanneer moeilikheid oor jou pad kom, werp dit op Hom. Sprei dit voor Hom uit. Roep Hom aan. Soos die Skrif sê: “Werp al julle bekommernisse op Hom, want Hy sorg vir julle” (1 Petrus 5:7).

Die meeste van ons sou graag die valleie van die lewe wou vermy, maar daar is 'n paar lesse wat ons in daardie tye leer wat ons nêrens anders kan leer nie.

God belowe nie om alle probleme van ons weg te hou nie. Hy belowe wel om by ons te wees te midde daarvan. Dit is 'n wonderlike ding om te weet, wanneer die Here sy kinders deur 'n vurige beproewing laat gaan, Hy altyd 'n oog oor hulle en die termostaat hou.

Kopiereg © 2017 deur Harvest Ministries. Alle regte voorbehou.