Laai die Bybeltoep afNie Goed NieVoorbeeld
Daar is 'n rede waarom genieë daarvan hou om skaak te speel. Dit is 'n ingewikkelde spel! Jy kan al die reëls ken hoe elke stuk mag beweeg en nog steeds sukkel om te weet wat jy veronderstel is om te doen. Sommige mense bestee hul hele lewe daaraan om te leer hoe om uitnemende skaakspelers te word.
As jy regtig goed word, kan jy meeding om 'n grootmeester te word — wat die hoogste vlak die wêreld is wat 'n skaakspeler kan bereik! Dit verg egter baie tyd, baie oefening en 'n briljante brein. Nie elkeen is daarvoor uitgeknip nie.
Die lewe kan soms ook 'n bietjie soos skaak wees. Jy kan al die reëls oor reg en verkeerd ken en nog steeds onseker wees oor wat jou te doen staan. Dit is nie maklik nie. Dit is waarom nie almal altyd kies om die regte ding te doen nie. Dit is soveel makliker om dít te doen wat die maklikste is!
Die Bybel verwys hierna as die "smal pad". As die pad breed en wyd was, sou dit baie makliker gewees het om daarop te stap sonder om langs die kante af te val. As die paaie egter smal is, moet 'n mens baie versigtiger wees. Dit verg tyd, geduld en oefening om op die smal pad te bly, maar dit lei ons daartoe om keuses te maak wat vir ons eie beswil is.
Dus — ja, dit is nie altyd maklik om reg van verkeerd te onderskei nie. God se woorde herinner ons daaraan dat sake so staan, maar met tyd en geduld kan jy leer hoe om op die smal pad te stap.
Skrif
Aangaande hierdie leesplan
Ons sal vier van die groot bronne van spanning ondersoek, wat almal van ons moet trotseer, en kyk hoe die woorde van God ons kan vertroos, leiding gee en met elkeen help. Ons sal praat oor wat Jesus aan ons bied wanneer dit nie met ons goed gaan nie. Wat wil God hê moet ons weet wanneer mense ons verwerp, wanneer dit nie maklik is om die regte ding te doen nie en wanneer ons bekommerd is — ons sal sien wat God daaroor sê.
More
