Liggaamshoudings Gedurende die Adventtyd: 'n Leesplan vir KersfeesVoorbeeld

Kersfees is die viering van Jesus se menswording. Ons vier Jesus se keuse om mens te word en onder ons in die gebrokenheid en verlossing van die vlees te kom woon. 

Paulus nooi ons in sy brief aan die Filippense om dieselfde ingesteldheid as Jesus te hê. Hy het Homself verneder "... deur die gestalte van 'n slaaf aan te neem en aan mense gelyk te word" (Filippense 2:7).

Die Boodskap-vertaling stel dit so: "Jesus het toe as mens aarde toe gekom. ’n Mens kan sê Hy het onder ons kom huis opsit ..." (Johannes 1:14).

Wat ons in Jesus sien, is die belangrikheid om naby diegene te wees wat Hy kom dien en by hulle te wees.  Die skrywer Ann Voskamp sê: "Saamwees maak gebrokenheid ongedaan."

In ons gebroke wêreld beteken Jesus se voorbeeld van menswording om by ons naaste, by húlle wat nie soos ons is nie, by dié wat ly, by die verlorenes en geringste in ons samelewing te wees. 

Jesus stel Hom aan risiko's bloot. Hy staan nie langs die kantlyn nie en is ook nie 'n Redder wat op 'n afstand is nie. Vir Jesus beteken om te dien dat Hy ten volle aan ons toegewy is.

Nadenke:

• Wat beteken Jesus se "menswording" vir jou?
• Watter geleenthede het jy om in hierdie Kerstyd en die komende jaar in jou gemeenskap menswording uit te leef?

Die blote aard daarvan om 'n dienskneg wees, is om by ander te wees. Laat jou teenwoordigheid, wat met die liefde van Jesus gevul is, vandag gebrokenheid ongedaan maak.