Vrees en Angs - Leer om te Oorwin met God se WaarheidVoorbeeld

Lees: Romeine 12:21

SOAP: Romeine 12:21

As jy vir 'n paar minute na die nuus kyk, word dit duidelik dat daar euwels in die wêreld is. Ons kan verlei word om te maak asof dit nie bestaan nie, of ons kan in nederlaag oorgee. Dit is egter nie die reaksie wat God wil hê nie.

Romeine 12:21 vertel ons om nie deur die kwaad oorwin te word nie. Ons moet nie toelaat dat die kwaad ons oorweldig of ons vreugde steel nie. Inteendeel, ons moet die oorhand daaroor kry deur die krag van Christus te weerspieël op die manier hoe ons leef. Lig deurdring die duisternis. Net so bedek liefde 'n magdom sondes. 

Hoe kan jy hierdie week goedheid aan jou gemeenskap bewys? Moet nie toelaat dat die kwaad van die wêreld jou ontmoedig om van die liefde van Christus met ander te deel nie. God het jou hier geplaas om goed te doen en om Hom te eer. Ons kan die kwaad oorwin deur koersvas te bly en te vertrou in die Here wat ons krag gee. 

Vader God, dankie vir die waarheid dat U ons groot Oorwinnaar is. Ek loof U dat U my die vermoë gegee het om die kwaad met die goeie te oorwin. Dankie dat U my gevegte saam met my veg. Help my om altyd te onthou dat U by my is. Help my om die lig van Christus oral waar ek heengaan te laat skyn. In die Naam van Jesus. Amen.