Vrees en Angs - Leer om te Oorwin met God se WaarheidVoorbeeld

Lees: Filippense 4:4-7, 1 Tessalonisense 5:16, Handelinge 16:25-26

SOAP: Filippense 4:4

Ons mag dit nie altyd glo nie, maar ons het altyd iets om oor bly te wees. Paulus herinner ons daaraan hoe ons altyd bly moet wees. Hy het hierdie beginsel uitgeleef.  

In Handelinge 16, is Paulus en Silas in die tronk vir hulle geloof. Alhoewel hulle in kettings was, het hulle voortgegaan om lofliedere tot God te sing. Die ander gevangenes het na hulle stemme geluister as 'n getuienis van hulle geloof. God het gereageer op hulle geloof en die fondamente van die tronkmure geskud. Deur hierdie gebeurtenis, het die tronkbewaarder en sy familie tot geloof in Christus gekom.  

Ons lofprysing deur pyn bevestig nie net ons eie geloof nie, maar dit dien ook as 'n oortuigende getuienis aan ander. Die resultaat van ons getrouheid is dalk nie so 'n grensverskuiwende ervaring soos Paulus s'n nie, maar God belowe ons dat Hy vir ons vrede sal gee. Ons woorde van lofprysing val nie op dowe ore nie. Dit bring eer aan die God wat ons in alle dinge dra.

Watter woorde van lofprysing moet jy vandag aan jou hemelse Vader bring? Ons moet in alle dinge na Hom toe kom met 'n gesindheid van danksegging. Wanneer ons dit doen, kom ons tot die besef met hoe baie God ons in ons lewens geseën het. 

Vader God, dankie dat U vir my hierdie dag gegee het om U te loof. U het my hierdie asemhaling gegee en hierdie lewe wat ek leef. Alles wat ek het is 'n geskenk van U. Help my om te groei in dankbaarheid. Dankie vir die geskenk van u Seun, in wie ek lewe het. Vergewe my wanneer ek U as vanselfsprekend aanvaar. In die Naam van Jesus. Amen.