Vrees en Angs - Leer om te Oorwin met God se WaarheidVoorbeeld

Lees: Deuteronomium 31:6, Psalms 23:4

SOAP: Deuteronomium 31:6

Vrees en angs manifesteer somtyds uit alleenheid. Ons glo dat niemand verstaan wat ons deurgaan nie en dat ons heeltemal alleen in ons omstandighede is. Ons teksverse vir vandag wys ons dat ons nie alleen is nie.

Net voor die Israeliete in die beloofde land ingegaan het, het Moses hulle herinner om nie bang te wees vir die vyande wat hulle sou teëkom nie, omdat die Here met hulle sal wees. Hy sou hulle nie in die steek laat of alleen laat nie. Onthou, dit was nadat hulle getwyfel het en Hy vir hulle vir veertig jaar in die woestyn voorsien het. God het aangehou om met sy volk te wandel. 

As 'n herder en 'n koning wat gevlug het, het Dawid alleenheid verstaan. Nogtans het hy die mees kalmerende woorde van die Bybel geskryf. Hy het God se teenwoordigheid in sy lewe herken en verstaan dat God sy troos sal wees, ongeag van watter omstandighede mag plaasvind. 

Hoe het jy jouself in tye van vrees toegelaat om op God se teenwoordigheid te leun? God belowe dat Hy ons nooit sal verlaat nie, maak nie saak wat nie. Ons kan vandag op sy belofte vertrou. 

Vader God, ek dank U vir u teenwoordigheid. Help my om vandag u teenwoordigheid in my lewe te ervaar. Mag u Gees my troos en vrede gee. Help my om sterk en dapper te wees wanneer ek swak en bang voel. Dankie dat U my u Seun gegee het as die volmaakte voorbeeld van gehoorsaamheid. In die Naam van Jesus. Amen.