Ẹ̀jẹ́ NáàÀpẹrẹ

È̩jẹ́ tó ṣe Pàtàkì Jùlọ

Jonathan àti Michelle ti jẹ́ tọkọ taya fún ọdún mẹ́wàá, èrò wọn sì ni pé àsìkò tí inú àwọn máa ń dùn jù ni ìgbàtì àwọn bá ń ṣe iṣẹ́ ìránńṣẹ́, tí àwọ́n sì ń rẹ́rìnín pẹ̀lú àwọn ọ̀rẹ́ tí àwọn jọ jókòó yí tábìlì ká.

Jonathan:

"Ìwọ kò gbọdọ̀ ní ọlọ́run mìíràn ṣíwájúù mi."

Ó dàbí nkan tí ó rọrùn. Èmi kìí sin ọlọ́run ẹ̀sìn míràn. Dájúdájú, èmi kìí tẹríba fún agbára èké tàbí kíi ń máa tẹ̀lé ẹ̀kọ́ ẹ̀sìn míràn. Mo lè fi dá ọ lójú pé èmi kò ní tàpá sí òfin yẹn. Ṣùgbọ́n kínni èyí níí ṣe pẹ̀lú ìgbéyàwó?

Ṣe sùúrù. Gbìyànjú kí o kàá báyì, "máṣe ohun kan tàbí ẹni kankan ṣíwájú mi." Àwọn nkan tí mo lè kà sí jù Krístì lọ: ìgbéyàwó mi, iṣẹ́ mi, àwọn ọmọ mi, ìlera mi àti bẹ́ẹ̀ bẹ́ẹ̀ lọ. Gbogbo nkan tí ó dára. Ìgbà tí wọ́n bá sún Ọlọ́run kúrò ní ipò àkọ́kọ́, ìgbà yí ni wọ́n di ọlọ́run. Òye tí mo ti ní ni pé: ìgbàkígbà tí ó bá dàbí pe wàhálà ayé fẹ̀ pọ̀ jù fún mi, ó máa ń sábà já sí pé mo ti fi nkan míran tàbí ẹlòmíràn ṣíwájú Ọlọ́run ni.

Kí á má fi ohunkóhun ṣíwájú Ọlórun ko rọrùn, sùgbọ́n fún ànfàní wa ni. Nígbà tí a bá fi ohun tó ṣe pàtàkì ṣíwájú - tí a bá fi Ọlọ́run ṣíwájú - tí ìgbéyàwó tẹ̀le, kìí ṣe ìṣọ̀kan nìkan ni yóò wà nínú ìgbéyàwó rẹ, ṣùgbọ́n ìfọ̀kànbalẹ̀, ìtùnú àti ìgboyà nínú Olúwa tí kò ní se fi ọwọ́ rọ́ sẹ́yìn.

Michelle:

Ọ̀pọ̀ ìgbà ni mo máa ń ri pé mo ti ṣeèṣì fi nkan míràn ṣíwájú Ọlọ́run tó yẹ kó wà ní ipò àkọ́kọ́, kí Jònátànì sì wà ní ipò kejì nítorí pé n kò fi làákàyè ṣe ètò bí ó ti yẹ. Ìgbà míràn mo tilẹ̀ ti fi àkókò tí mo fi ń ṣe ohun afẹ́ ṣíwájú ohun gbogbo!

Fífi Ọlọ́run ṣíwájú túmọ̀ sí kí á mọ̀ọ́mọ̀ fi àkókò sílẹ̀ fún un, láti ka ọ̀rọ̀ Rẹ̀, kí á sì ṣe àfẹ́rí rẹ̀ ṣíwájú ohun gbogbo. Ohun gbogbo! Èmi nìkan kọ́ ni eléyi máa ń ṣẹlẹ̀ sí. Nígbà tí n kò bá fi ohun tí ó yẹ ṣíwájú, mo máa ń ṣe aláìní, èyí tó o sì máa ń jẹ́ kíi n ma wo ojú Jònátànì láti bá àìní mi pàdé. Eléyi kò tọ̀nà. Ọlọrun nìkan ni ó lè bá gbogbo àìní mi pàdé. Mo dúpẹ́ wípé òye ń yé mi sí nígbà gbogbo, wípé bí ìdúró mi pẹ̀lú Ọlọ́run bá ṣe fẹsẹ̀ múlẹ̀ sí ni ìgbéyàwó mi náà yó ṣe fẹsẹ múlẹ̀ tó. Fífi Ọlọ́run ṣíwájú nìkan ni ọ̀nà àbáyọ!

Gbàdúrà: Ọlọ́run, kínni ohun tí mo fi ṣe èkínní, èkejì àti ẹ̀kẹta? Nje E fún mi ní agbára láti bá ara mi sọ̀rọ̀ kí n sì ṣe ìpinnu tó yẹ láti lè fi ohun tí ó ṣe pàtàkì ṣíwájú. Amin.