Lilépa ÀlàáfíàÀpẹrẹ

Wà ní Àlàáfíà Pẹ̀lú Ọjọ́ Ọ̀la

Ǹjẹ́ o tilẹ̀ ní ìfọ̀kànbalẹ̀ nípa ọjọ́ ọ̀la? Àìlèsùn, wàhálà àti àníyàn lè já irọ́ tí o bá pa. Onírúurú ohùn ló ń ké sí wa. Ọ̀kan ń sọ wípé, “Ṣe àfihàn wípé ẹni dáradára lo jẹ́.” Ohùn mìíràn sọ wípé, “Ṣe ló yẹ kí ojú araà rẹ máa tì ọ́.” Ìmíì tún sọ wípé, “Kò sí ẹnì kan tó fẹ́ràn rẹ ní tòótọ́,” àti òmíràn, “Ri dájú láti di ọlọ́rọ̀, olókìkí, àti alágbára.” 

Àmọ́ pẹ̀lú gbogbo àwọn ohùn aláriwo wọ̀nyí ni ohùn tó dákẹ́ rọ́rọ́ kan wà, tí ń sọ wípé, “Ìwọ ni àyànfẹ́ mi, ojú rere mi sì wà pẹ̀lú rẹ.” Ohùn tí a nílò láti máa gbọ́ jùlọ ni èyí. A ní láti dẹ́kun fífi ìgbàgbọ́ wá sínú àwọn ìlépa bí kò ṣe níní ìgbàgbọ́ tó péye nínú Ọlọ́run, pẹ̀lú àwárí àlàáfíà nínú ọjọ́ ọ̀la tí Ọlọ́run ti ṣètò fún wa. 

Òwe Àwọn Adúláwọ̀:

Orun àlàáfíà máa jìnà sí ènìyàn tó ní ìlépa tó kọjá a bótiyẹ . ~ Òwe Ìlúu Chad

Àdúrà ni èpò fún gbogbo ǹkan tí a bá fẹ́ gbé ṣe. Darapọ̀ mọ́ Tearfund, àti ẹgbẹẹgbẹ̀rún ìjọ káàkiri àgbáyé, nínú àdúrà bí àti ń bèrè fún àlàáfíà àti ìwòsàn nínú ayé ìjìyà yí.

Ìgbésẹ̀: 

Tẹ́ pẹpẹ ètò àwọn ìlépa rẹ fún ọdún márùn-ún síwájú. Lẹ́yìn èyí ṣe àkọsílẹ̀ àwọn ǹkan tí o ma nílò látọ̀dọ̀ Ọlọ́run láti ṣe àwọn ǹkan tí o fẹ́ àti àwọn ǹkan tí o ṣetán láti kọ̀ sílẹ̀ tàbí àwọn ǹkan tí o lérò wípé o ní láti jọ̀wọ́ fún un.