Bíbélì Wà LáàyèÀpẹrẹ

Bíbélì ńyí ohun gbogbo padà

Ìwọ wo bí ohun gbogbo se sókùnkùn biribiri, tí ó sì rí júujùu kí Ọlọ́run tó mí Ọ̀rọ̀ rẹ̀, óní kí "Ìmọ́lẹ̀ wà". Lẹ́sẹ̀kẹsẹ̀, ohun gbogbo yí padà. Ìmọ́lẹ̀ yí bo òkùnkùn biribiri, a sì rí àwọn ohun tí a kòrí tẹ́lẹ̀ ní kedere. Ọ̀rọ̀ kan láti ọ̀dọ̀ Olọ́run yí ohun gbogbo padà … àmọ́ kò pin síbẹ̀.

Olọ́run tí ó dá gbogbo àgbáyé pèlú èémí kan ńtẹ̀síwájú láti máa mí ìgbé ayé titun sínú ayé nípa agbára Ọ̀rọ̀ rẹ̀. Ọ̀rọ̀ Olọ́run ńtẹ̀síwájú láti bo òkùnkùn mọ́lẹ̀. Ọ̀rọ̀ Olọ́run ńyí ìgbésí ayé padà, ó sì ńsọ awọn ọkàn tí ó wà ní ìpòrurù di ọ̀tun. Ọ̀rọ̀ Olọ́run wà lààyè ósì ńsisẹ́ lọ́wọ́ nítorí Ọlọ́run wà láàyè ósì ńsisẹ́ lọ́wọ́. A sì ní àǹfààní sí Ọ̀rọ̀ rẹ̀ nígbà gbogbo.

Bí a ṣe ńka Bíbélì si, bẹ́ẹ̀ni a ó ri wípé Ọlọ́run fẹ́ kí gbogbo ènìyàn l'ágbàáyé ní ìrírí ìbáṣepọ̀, tí yóò ṣe àtúnṣe sí ayé wọn pẹ̀lú Rẹ̀.

Kò sí irú ìpọ́njú tàbí wàhálà tó dojú kọ wá, Ọ̀rọ̀ Ọlọ́run yóò máa borí òkùnkùn síbẹ̀. Ọ̀rọ̀ rẹ̀ yóò tẹ̀síwájú láti má yí àwọn ènìyàn bíi Ghana, Diya, àwọn ènìyàn Popoluca, Samuel Àjàyí Crowther, àti William Tynale padà. Ọ̀rọ̀ rẹ̀ sì ní agbára láti yí ọ padà.

Nítorínáà, fara balẹ̀ láti ronú nípa ìtàn rẹ. Báwo ni Ọ̀rọ̀ Ọlọ́run ṣe sọ ẹ́ dọ̀tun? Àti wípé àwọn ọ̀nà wo ni Ọlọ́run ń gbà mú Ọ̀rọ̀ rẹ̀ wà láàyè nínú ayé rẹ nísìsiyì?

Se àjọyọ̀ àwọn ǹkan tí Ọlọ́run ti ṣe nínú ayé rẹ títí di àkókò yí, kí o sì se àgbéyẹ̀wò ohun tí Ó ńṣe n àgbáyé, pàápàá ní àyíká rẹ.

Ní ìlọsíwájú, yan láti kópa nínú ìtàn tí Ọlọ́run ńsọ. Ó jẹ́ ìtàn tí ó bẹ̀rẹ̀ nígbàtí Ó sọ Ọ̀rọ̀ tí ayé sì wà, tí yóò sì tẹ̀síwájú títí ọjọ́ ìpadà bọ̀ Jésù - ìtàn tó la ìtàn ré kọjá, tó sì ń tẹ̀síwájú nípa sísọ gbogbo àgbáyé dí ọ̀tun