Bíbélì Wà LáàyèÀpẹrẹ

Bíbélì Wá Láàyè

Bíbélì jẹ́ Ọ̀rọ̀ Ọlọ́run sí wa. Ó jẹ́ àkọsílẹ̀ láti ọ̀dọ̀ Ọlọ́run làti ipa'sè ènìyàn lórí ìṣesí Rẹ̀, àti àwọn ìpinnu Rẹ̀ láti gba àwọn ẹ̀dá ènìyàn àti láti mú wọn bọ̀ sípò. Bí a ti wá t'ọwọ́ Ọlọ́run gbé e kalẹ̀ nípa ìmísí, gbogbo abala Ìwé Mímọ́ ló ní agbára láti gbani nímọ̀ràn, gúnni lọ́kàn, ati láti yíni padà.  

Ronú àkókò kan tí ó hàn sí ọ dájú wípé ìsọdọ̀tun ń débá ọkàn rẹ, tàbí tí o rí àwọn àyípadà ní àwọn agbọndan ayé rẹ kan. Tí o bá ń ka, tàbí gbọ́, Ìwé Mímọ́ déédé, o ti ní ìrírí agbára rẹ̀ láti fúnni ni ìṣípayá, ìgbani-níyànjú àti láti pèọníjà. 

Bíbélì ju ẹ̀kọ́ nípa ìtàn àdáyébá. Bótilẹ̀pé óun sọ ìtàn nípa àwọn ǹkan tí Ọlọ́run ti ṣe, o tún ń ṣe àfihàn òun tí Ọlọ́run yóò ṣe. Òun ṣe àfihàn ìtàn ti Ọlọ́run ti ń sí ìbòjú rẹ̀, láwẹ́ láwẹ́, láti àtètèkọ́ṣe; ìtàn tí Ó fẹ́ tesiwaju láti máa sọ nípasẹ̀ wa.  

Ọ̀rọ̀ Ọlọ́run ti la ọkàn àwọn ènìyàn kọjá láti ìbẹ̀rẹ̀ ohun gbogbo, ìmísí tó mú wá sì ti yọrí sí àyípadà ìlú, orílẹ̀-èdè, àti kontinenti. 

Nítorí náà ní ọ̀sẹ̀ yí, ẹ jẹ́ kí a ṣe àjọyọ̀ bí Bíbélì ṣe wà láàyè àti bí ó ti ń ṣ'iṣẹ́ nínú ayé wa nípa ṣíṣe àgbéyẹ̀wò ìtàn tí Ọlọ́run ti ń sọ nipasẹ̀ àwọn Kristẹni láti àtètèkọ́ṣe—ìtàn tó ńṣe àfihàn agbára Bíbélì láti la òkùnkùn kọjá, lati mu ìrètí wá, láti mú ayé ènìyàn padà bọ̀sípò, ati lati yí gbogbo àgbáyé padà.