Ètò Olúwa Fún AyéèÀpẹrẹ

Báwo li o tií mọ ètò Ọlọ́run fún ayéè rẹ? 

Tí o báti súré ìje rí, o máa mọ̀ wípé ó ṣe pàtàkì láti máa sáré bóti yẹ. Bí o bá sáré oní-jẹ̀lẹ́nkẹ́, kíá loó d'eni ẹ̀yìn tí àwọn akẹgbẹ́ rẹ yóò sì ṣáájú rẹ. Bí o sì tún sáré ní wùrù-wùrù, óṣeéṣe kó tètè rẹ̀ ọ́, kí o sì málè parí ìje náà. 

Àti mọ bí a ó ti sáré sì nínú ìje lè má rọrùn. Ṣùgbọ́n ọpẹ́ ni f'Ọlọ́run, wípé nínú ìrìn-àjò wa gẹ́gẹ́ bíi Kristẹni, a ní ẹni tíí tọ́ wa. 

Gálátíà 5:25 sọ wípé kí a máa “gbé ní ìbámu pẹ̀lú Ẹ̀mí kí a sì máa tẹ̀lé ìtọ́ni Ẹ̀mí.” 

Tí abá ní láti máa tẹ̀lé ìtọ́ni Ẹ̀mí, èyí túmọ̀ sí wípé Ẹ̀mí mímọ́ ni yóò kọ́wa bí a tií sáré. Aò gbọ́dọ̀ wà lẹ́yìn tàbí jálọ níwájú—a ní láti sáré pẹ̀lú ìtọ́ni.

Nígbà tí a bá wà ní ìtọ́ni pẹ̀lú Ẹ̀mí, Òhun yóò pèsè ìmọ̀ láti tọ́ ìpínnu wa. Òwe 3:6 sọ wípé nígbà tí a bá jọ̀wọ́ ara wa fún Òhun, Yóò tọ̀ ìṣísẹ̀ wa láti mu já geere.

Tí a bá gbe yẹ̀wò, èyí dùn jẹ lẹ́nu. Ṣùgbọ́n báwo laó ti ṣé láì tan r'awa láti máa tẹ̀lé ìtọ́ni Ẹ̀mí?

Ọ̀nà mẹ́ta t'afi lè bẹ̀rẹ̀ nìyí:

1.) Wá Ọlọ́run nínú Òrọ̀ọ Rẹ̀. Wípé o tilẹ̀ ń ka ètò Bíbélì yìí, ti fi hàn wípé ẹsẹ̀ rẹ ti wà ní ipasẹ̀ tí à ń sọ̀rọ̀ rẹ̀! Ṣeé l'ójúṣe rẹ láti máa ka ọ̀rọ̀ Ọlọ́run l'ójojúmọ. Oríṣiríṣi ètò Bíbélì ló wà fún ọ láti bẹ̀rẹ̀, tí ìrẹ̀wẹ̀sì àti ṣe irú ǹkan yìí kò bá jìnà síọ, wá ènìyàn bíi mélòó kan mọ́ra!

2.) Gbàdúrà lóòrè-kóòrè. Máse jẹ́kí bí ètò àdúrà yìí yóò ti lọ fẹjú mọ́ọ. Àdúrà rọrùn nítorí ó jẹ́ ọ̀nà tí a fií bá Ọlọ́run sọ̀rọ̀, àti tí a fií tẹ́tí Síi. Tí ó bá rọrùn fún ọkàn rẹ láti ṣáko (bí ọ̀pọ̀lọpọ̀ wá ti máa ṣe), yóò ṣe ọ́ l'ànfàní tío bá ṣe àkọsílẹ̀ àwọn kókó àdúrà sórí ẹ̀rọ-alágbèkáá rẹ. 

3.) Wà ní ìdàpọ̀-ẹ̀mí. Ọ̀nà kan tí a fií wà pẹ̀lú ìtọ́ni Ẹ̀mí ni dídára pọ̀ pẹ̀lú àwọn ọmọ-lẹ́yìn-Krístì bíi tìrẹ. Ọ̀nà tíó dára jù láti ṣe èyí ní wíwà níbi àwọn ìjọsìn. Ìbá tún dára: tío bá lè wá iṣẹ́ kan ṣe nínú ìjọ. Ìwọ yóò pàdé àwọn ènìyàn titun pẹ̀lú ànfàní láti ní ìbárẹ́ tó jinlẹ̀ pẹ̀lú àwọn Kristẹni bíi tìrẹ.