Ang Paglalakbay Patungo sa PamanaHalimbawa

Pampamilyang Konstitusyon

May ilang mga tao ngayon ang nagsasabing mas espirituwal na iwan ang iyong mga ari-arian sa isang hindi pangkalakalan na organisasyon o institusyon kaysa sa iyong pamilya. Ngunit maling takbo ng pag-isiip iyon. Kung mahal ng mga anak mo si Jesus at sinanay mo sila kung paano humawak ng salapi sa pamamaraan ng Diyos, wala kang magiging problema sa pag-iwan mo ng iyong kayamanan sa susunod na henerasyon.

Subalit mayroon kang pananagutan na ilagay sa mabuting kalagayan ang iyong mga anak. Kailangan mong itanim sa kanila ang moral na lakas upang makayanan ang responsibilidad. Kailangan mong siguruhin na hindi sila masisira ng salapi at susundin nila ang plano ng Diyos para rito.

Isang magandang kasangkapan sa pagtatatag ng mga mabubuting asal sa mga buhay ng iyong mga anak ay ang pampamilyang konstitusyon. Tinutukoy ng isang pampamilyang konstitusyon ang mga kaugaliang pinahahalagahan ng inyong pamilya pati na rin ang mga hindi magagandang bagay. Nagtatakda ito ng mga hangganan at diretsahang sinasabi sa mga miyembro ng pamilya na, "Hindi mo gugustuhin sa labas ng mga hangganan. Mas masaya kung nasa loob ka ng mga ito."

Habang ang konstitusyon ay nakabatay sa natatanging sitwasyon ng iyong pamilya, dapat itong magsimula sa isang pahayag ng misyon ng inyong pamilya. Sinasabi nito kung sino kayo bilang pamilya. Sa Ramsey Family Constitution, ginamit namin ang Josue 24:15. Iyon ang pinakabuod kung sino kami para sa amin. Paglilingkuran namin ang Diyos. Hanggang kaya kong may gawin tungkol dito, gagamitin ko ang pwersa ng aking pagkatao at panghihikayat upang umusad kami sa direksyong iyon.

Dapat mong itatag ang inyong pampamilyang konstitusyon sa isang biblikal na pundasyon at gabayan ang iyong pamilya na isabuhay ang mga pinakamahahalagang prinsipyong ito araw-araw. Kailangan mo ring lumikha ng isang konseho sa pamilya na magsusuri at magrerebisa ng dokumento sa isang regular na batayan, at kailangang magsaad rin ng isang paraan para sa pagpapanumbalik sa mga alibughong maliligaw ng landas.

Kung hindi mo pa nasisimulan, tipunin mo na ang iyong pamilya upang sama-samang tukuyin kung ano ang ibig sabihin ng isang pampamilyang konstitusyon para sa inyo at itatag ito sa paraang magbibigay daan sa mga darating na pamana.

Nais mo ba ng mas maraming impormasyon sa paghubog ng inyong sariling pampamilyang konstitusyon? Gagabayan ka ng Ang Paglalakbay Patungo sa Pamana sa prosesong ito habang pinagkakalooban ng isang biblikal na balangkas para sa pangangalaga ng iyong pamana at kinabukasan ng iyong pamilya. Upang mas higit pang matuto bisitahin ang daveramsey.com/legacy.