Pagbibigay ng Lahat... At Pagbawi Muli ng LahatHalimbawa

Ang Sining ng Pagpasa sa Sunod na Henerasyon

Ang salitang "ekonomiya" ay palaging nababanggit sa media kaya't iniisip ko kung talaga bang alam natin ang ibig sabihin nito. Pangunahing ginagamit ito upang tukuyin kung gaano kahusay sa pananalapi ang ating bansa. Ngunit iyan ay isang paraan lamang upang tingnan ito. Para sa akin, ang isang mas kapaki-pakinabang na pangangahulugan ng ekonomiya ay ang "maingat na pamamahala ng mga kayamanan." Ito ay nagpapahiwatig ng pangangailangan para sa isang katiwala–ang taong gumagawa ng maingat na pamamahala ng mga yaman.

Sa aklat ng Mga Kawikaan sa Lumang Tipan, ang huling kabanata ay naglalarawan ng ating ngayong kinikilala na babaeng Kawikaan 31. Kung babasahin mo ang kabanata, mapapansin mong ang babaeng inilalarawan ay isang ekonomistang may kalibreng pandaigdigan.

Siya ay isang maingat na tagapamahala ng lahat ng kanyang mga yaman: intelektwal, panlipunan, pinansyal, espirituwal, at pati na estetika. Ang kanyang masigasig na pagtatrabaho ay konektado sa kanyang espirituwal na alab para sa Diyos. Pinararangalan at iginagalang niya ang Diyos, at ipinahahayag ito ng kanyang buhay sa pamamagitan ng maningning na pangangasiwa. Maaari tayong lahat matututo mula sa kahanga-hangang babaeng ito ng kung paanong maipapatupad ang maingat na pamamahala sa lahat ng ibinigay sa atin ng Diyos.

Aplikasyon: Sa pagtingin sa halimbawa ng babae sa Kawikaan 31, ano ang iyong ginagawa nang mahusay? Saan may puwang para sa pagpapabuti?