Isang Kidlat na KagalakanHalimbawa

Huwag kailanman maliitin ang kahalagahan ng matuwid na pamumuhay sa pagpupursigi mo na maging isang puspos-ng-galak na Cristiano. Kung inaakala mong maaari kang mamuhay nang puno ng kompromiso at pagkamakasarili at manatili pa ring may karapatan sa kagalakan na mula sa langit, mag-isip kang muli!

Ang Biblia, mula sa Genesis hanggang sa Pahayag, ay puno ng palagay ng Diyos tungkol sa kahalagahan ng tuwid na pamumuhay. Hindi ito tungkol sa legalismo o pagkaalipin! Para sa Diyos, ang pagiging matuwid ang pinakamataas na antas ng kalayaan at buhay!

Sa madaling sabi, ang katuwiran ay ang pamumuhay na pumapailalim sa mga kaparaanan ng Diyos. Maaring mangahulugan ito ng pagtalikod sa mga kompromiso o may-salang mga pagpapasya. Maaring mangahulugan ito ng pagbabago ng paraan ng pananalita o paraan ng paggugugol ng oras mo.

Ngayon, siyasatin ang buhay mo at hingin sa Diyos na ipakita ang anumang dapat baguhin. Kung sumagi sa isip mo ang tungkol sa pagiging iritable sa asawa mo, huwag balewalain ito. Maaring mula ito sa Diyos at nais Niyang ipakita ang isang kailangan mong baguhin.

Maaring pagkatapos hingin sa Diyos na ihayag ang mga aspeto ng buhay mo na dapat baguhin, maiisip mo na labis ang iyong paggastos nitong mga nakaraang araw. O maaring tanungin ang sarili kung nagsasayang ka ba ng labis na oras sa pagbababad sa computer. Huwag ibasura ang mga kaisipang iyon. Maaring paraan ito ng Diyos na tulungan kang linisin ang buhay mo nang makapamuhay kang puspos ng kagalakan ngayon!