21-Araw na Panalangin para sa mga Kaibigan Halimbawa

Gabay sa panalangin

2 Mga Taga-Corinto 4:4-6

Hindi sila sumasampalataya sapagkat ang kanilang isip ay binulag  ng diyos  ng kasamaan sa daigdig na ito,  upang hindi nila makita ang liwanag ng Magandang Balita tungkol sa kaluwalhatian ni Cristo na siyang larawan ng Diyos. Hindi namin ipinapangaral ang aming sarili,  kundi si Cristo Jesus bilang Panginoon.  At kami ay lingkod ninyo  alang-alang kay Jesus.  Sapagkat ang Diyos na nagsabing, “Mula sa kadiliman ay sisilang ang liwanag,” ay siya ring nagbigay liwanag sa aming isip  upang makilala namin ang kaluwalhatian ng Diyos na nahahayag sa mukha ni Cristo.

Panalangin:

Ama, ang mga tao sa sanlibutang ito ay nabulag ng diablo kaya hindi nila makita ang liwanag ng ebanghelyo. Dalangin ko na ang mga mata ni _______________________ ay mabuksan upang makita ang kaluwalhatian ni Cristo. Nawa ang ilaw ng ebanghelyo ay magliwanag sa kanyang puso at buhay. Nawa matanggap ni _______________________ ang ebanghelyo at ang kanyang buhay ay mabago dahil sa maluwalhating katotohanan. Bigyan Mo siya ng pag-iisip na nakauunawa, ng puso na tumatanggap at ng pananampalataya na lubusang nagtitiwala kay Cristo.