Ang Pagbangon ng KaligtasanHalimbawa

Ang Ating Dakilang Diyos Pakinggan ang "Our Great God" at basahin ang mga sumusunod: Naranasan mo na bang umasa sa isang bagay upang malutas ang lahat ng problema mo? Kadalasan ay iniisip natin na lahat ng alalahanin natin ay malulutas kung mayroon lamang tayong mas maraming pera, mas maraming oras, o mas higit na kontrol. Ang mas malaking sahod o mas maraming oras ay hindi makakalutas sa lahat ng bagay. Maaari tayong magsumikap, ngunit ang sarili nating lakas ay hindi makakapagpabago sa ating buhay ng pangmatagalan. Ang pagsunod kay Jesus ay nagpapabago sa ating direksyon, ngunit hindi ito nangangahulugang lahat ng ating problema ay mawawala sa isang iglap. Sa araw na ipinasya mong sundan si Jesus, patuloy kang haharap sa mga pagsubok at patuloy kang makikipagbuno sa kasalanan. Ang kaibahan ay mayroon kang kakayahang pagwagian ang mga ito sa pamamagitan ni Jesus. Siya ay kasama mo sa gitna ng iyong mga suliranin. Hindi na bago sa Diyos ang ating mga kahinaan. Alam Niya na patuloy tayong mahihirapan. Malalampasan natin ang mahihirap na mga panahon hindi dahil sa sarili nating mga pagsisikap, kundi dahil sa kapangyarihan ng Diyos sa ating buhay.Lalakas ang loob natin na si Jesus ay kasama natin at Siya ay para sa atin. Nakikipaglaban Siya para sa atin laban sa kasalanan. Kaysa panghuhusga o pagtalikod, maaari nating asahan na ipakikita ng Diyos sa atin ang pagmamahal at kabutihan dahil kailanman ay hindi Niya tayo sinusukuan. Anong mga paghihirap ang kinakaharap mo ngayon? Hilingin kay Jesus na tulungan ka sa mahirap na panahong ito.