Ang Pagbangon ng KaligtasanHalimbawa

Diyos ko, Ama ko Pakinggan ang "My God, My Father" at basahin ang mga sumusunod: Maaaring may mabuting pakikipag-ugnayan ka sa iyong ama. O maaaring hindi mo pa siya nakikilala. Kahit ano pang klase ng tatay ang kinagisnan mo, mayroong mga pagkakataong lahat sa mga tatay na ito ay hindi nakatupad ng pangako, nabigong protektahan ang kanyang pamilya, o tuluyan silang napabayaan. Hindi perpekto ang mga tao, ngunit ang Diyos Ama ay perpekto. Ang pagpapasyang sumunod kay Jesus ay nangangahulugang mayroon tayong pakikipag-ugnayan sa Diyos bilang ating ama. Siya ang pinakamabuting larawan ng ama na maaari nating maisip. Isipin ang maaaring mga katangian ng isang perpektong ama. Paano niya tratratuhin ang kaniyang mga anak? Ang Diyos ang lumikha sa atin, ang nakakaalam ng lahat tungkol sa atin, at ang pinakanagmamalasakit sa atin. Iniingatan Niya tayo at tinutulungan tayong lumago. Kapag tayo ay naliligaw ng landas, nagbibigay ng babala ang Diyos at dinidisiplina tayo para sa ating sariling kabutihan. Hindi tayo tinatalikdan ng Diyos kapag tayo ay nagkakamali. Ang pagkabigo ay hindi maiiwasan, ngunit ang pagmamahal ng Diyos ay hindi matatakasan. Kapag ikaw ay nangakong sumunod kay Jesus, ang Diyos ay parating magiging Ama mo at ikaw ay magiging anak Niya. Kung bukas ay hindi ka na makipag-usap sa totoong tatay mo, hindi nito mababago ang katotohanan na siya pa rin ang ama mo. Ganun din sa ating pakikipag-ugnayan sa Diyos. Kahit na ang pagsamba natin ay magkaroon ng lamat, hindi matatapos ang pakikipag-ugnayan natin. Hindi sinusukuan ng Diyos ang Kaniyang mga anak. Tinutulungan Niya tayo sa mga oras ng pangangailangan, at itinatama tayo kapag kinakailangan. Wala nang mas mabuti pang sandigan kundi ang Diyos. Mayroon bang bahagi ng buhay mo na hindi mo pa isinusuko sa Diyos?