Ang Pagbangon ng KaligtasanHalimbawa

Glory Be Pakinggan ang "Glory Be" at pagkatapos ay basahin ang mga sumusunod: Nasira sa gitna ng dagat ang barkong sinasakyan mo. Ang mga piraso ng bangka ay lumulubog sa paligid mo. Sinubukan mong lumangoy palayo, ngunit may isang mabigat na piraso mula sa barko ang hinihila ka pailalim ng dagat. Hindi ka makalutang para kumuha ng hangin at huminga. Walang mag-aakalang maililigtas mo ang sarili mo sa ganoong sitwasyon. Hindi mo lang kailangang madala sa ibabaw ng dagat at makahinga, kailangan mong makarating sa pampang upang masiguradong ligtas ka. Kung wala si Jesus, lahat tayo ay lunod sa kamatayang espirituwal. Hindi natin maiaahon ang sarili at hindi rin maililigtas ang ating sarili. Hindi lamang tayo mga masasamang tao na kailangang maging mabuti; tayo ay patay sa kasalanan at kailangang maipanumbalik sa buhay. Ang biyaya ay pagbibigay ng Diyos sa atin ng mga bagay na di natin karapatdapat tanggapin. Kapag tayo ay nasa pinakamalubhang kalagayan, bilanggo ng kasalanan at pagrerebelde sa Diyos, dito namamagitan si Jesus. Dahil kay Jesus, nagkakaroon tayo ng kakayahang mabigyan hindi lamang ng pangalawang pagkakataon sa buhay, kundi ng pagkakataong mamuhay ng mabuti at matiwasay. Hindi natin kayang pagsikapan ang kabutihan natin, ngunit mahal tayo ng Diyos nang higit pa sa karapat-dapat o sa ating kayang isipin. Ang biyaya ng Diyos ang nagbibigay ng malaking pagbabago. Inilalagay tayo nito mula sa kamatayan patungo sa buhay, at mula sa naliligaw patungo sa nahanap. Ano ang sinasabi ng kamangha-manghang biyayang ito tungkol sa Diyos?