Ang Pagbangon ng KaligtasanHalimbawa

Di Magagapi Pakinggang ang "Invincible" at pagkatapos ay basahin ang mga sumusunod: Si Hezekiah ay naging hari ng Israel sa loob ng halos tatlumpung (30) taon. Nagsimula siyang maluklok sa kapangyarihan sa kanyang mid-20s at namuno hanggang 715 BC. Katulad ng karamihan sa atin, hindi rin naging maayos ang lahat para kay Hezekiah. Ngunit ang isang bagay na nakuha ng tama ni Hezekiah ay ito: Kinikilala niya na kahit siya ang namumuno at makapangyarihan, ay hindi siya ang pinakadakila.Noong nagbadya ang kalapit na bansa upang lusubin ang Israel, ay humingi ng tulong sa Diyos si Hezekiah: "O, Panginoong Maykapal, Diyos ng Israel, na naluluklok sa pagitan ng mga kerubin, tanging Ikaw ang Diyos sa lahat ng mga kaharian sa mundo. Ikaw ang lumikha sa langit at lupa. Ituon mo ang iyong pandinig, O panginoon, at dinggin; buksan mo ang Iyong mata, O Panginoon, at iyong makita" (Isaiah 37:16-17).Ang Diyos ang lumikha sa lahat at Siya rin ang naghahari sa bawat nilikha Niya. Binanggit sa Salmo 29 na ang Kanyang tinig ay umaalingawngaw at dumadagundong sa ibabaw ng dagat. Ang kapangyarihan at katanyagan ng Diyos ay napakalawak, na hindi ito maikukubli o mapipigil. At katulad ni Hezekiah, kakampi natin ang Diyos.Anuman ang kinakaharap mo ngayon, mas malaki ang Diyos sa mga ito. Mas malaki ang Diyos kaysa sa kaibigang kalaban na nagtratraydor sayo, sa mga bayarin na maaaring makapagpalubog sayo sa utang, at anumang kalagayang medikal na maaaring ipahayag ng isang doktor. Mas malaki Siya kaysa sa adiksyon na pinaglalabanan mo ng ilang taon na, at sa galit na maaaring sumira sa iyong mga pakikipag-ugnayan.Anuman ang ating mga kahinaan, anuman ang sakit na ating pinagdadaanan, hindi natin ito kailangang tanggapin na magiging ganun na lang. Mayroon tayong malalapitang Kadakilaan. Ang Diyos ay magiting na mandirigmang napagtatagumpayan ang bawat laban. Anong aspeto ng iyong buhay ngayon na kailangan mo ng tulong Niya?