Ang Pagbangon ng KaligtasanHalimbawa

Ang Taas Pakinggan ang "The Height" at pagkatapos ay basahin ang mga sumusunod: Kailan mo huling nasilayan ang paglubog ng araw sa dapit-hapon? Naaalala mo ba ang unang beses na nakakita ka ng kabundukan o ng dagat? Tumitigil tayo at tinititigan ang mga bagay na nakakamangha sa atin. Ang Diyos ay manlilikha ng sining na parating nagpapakita sa atin ng kadakilaan Niya at ng Kanyang mga ginagawa. Nais ng Diyos na makilala natin Siya; higit pa sa pagnanais nating kilalanin Siya. Ang kalikasan ay isang magandang paraan ng pagpapahayag ng Diyos ng Kanyang kaluwalhatian. Siya rin ay nangungusap sa atin sa pamamagitan ng Bibliya at ng iba pang tao na sumusunod kay Hesus. Napakarami pang maaaring malaman tungkol sa Diyos. Tinutulungan Niya tayong malaman kung paano mamuhay ng matiwasay, kung paano makitungo sa kapwa tao, kung paano mahalin ang ating asawa at mga kapamilya, at kung paano harapin ang mga sigalot. Kamangha-mangha na ang Diyos na siyang lumikha sa buong daigdig ay ang siya ring nagnanais na maranasan ng bawat isa sa atin ang kagalakan at kapanatagan sa buhay. At, kamangha-mangha rin na ipinapahayag Niya sa Biblia ang mga bagay na ito sa atin. Kapag hindi tayo nagbabasa ng Bibliya at natututo kasama ng iba pang Kristiyano, hindi natin nalalaman ang mga bagay na nais ng Diyos na malaman natin tungkol sa Kanya at sa buhay. Anong mga katanungan tungkol sa Diyos ang mayroon ka? Sino ang maaari mong lapitan upang tulungan kang mahanap ang mga kasagutan?