Ang Pagbangon ng KaligtasanHalimbawa

Para sa Iyong Kapurihan at Para sa Akin Pakinggan ang "For Your Glory and For Me" at pagkatapos ay basahin ang mga sumusunod: Ang panghimagas na sarap na sarap ka noong isang gabi, ang lugar na pinuntahan mo noong nakaraang tag-araw, ang college football team na kinagigiliwan mo -- ito ay mga bagay na ipinagmamalaki natin nang may lubos na papuri. Ang kapurihan ay ang ganda, tagumpay at kadakilaan ng isang bagay o ng isang tao. Malalaman mo kung ano ang sa tingin mo ay kapuri-puri sa mga bagay na pinahahalagahan mo at parati mong binabanggit. Ang mga bagay na mahalaga sa atin, ay hindi natin nais na tayo lang ang nakakaalam. Ipinagmamalaki natin ito sa ibang tao upang maranasan din nila ang pagiging kapuri-puri ng mga bagay na ito. Si Hesus ay marapat na mapag-usapan at kasabikan! Sa labis Niyang pagmamahal sa atin ay inialay Niya ang kanyang buhay upang makilala natin ang Diyos at mamuhay kasama Siya magpakailanman. Kapag nakilala natin ang Diyos at tayo ay sumunod ng lubusan sa Kanya, ipinahahayag natin sa madla sa pamamagitan ng ating buhay, na ang Diyos ay kapuri-puri at nararapat sundin. Nilisan ni Hesus ang langit, namuhay sa mundong ibabaw, at namatay sa harap ng maraming tao para sa kaluwalhatian ng Diyos at para sa iyo. Ang pagbibinyag ay isang pagkakataong maipahayag natin sa mga tao ang pagpapasya nating sumunod kay Hesus. Naging hayag sa maraming tao si Hesus para sa iyo. Kaya mo bang maging hayag sa pagsunod sa Kanya?