Ang Pagbangon ng KaligtasanHalimbawa

Tagapagtanggol Pakinggan ang "Defender" at pagkatapos ay basahin ang mga sumusunod: Ang pagbibigay ng mga susi ng kotse sa bagong tagapagmaneho ay isang larawan ng pagtitiwala. Inilalagak mo ang buhay mo sa kamay ng taong iyon, na may pagtitiwalang maihahatid ka niya mula sa Point A patungong Point B nang walang aksidente. Bawat sulyap niya sa radyo o pagpapalit ng temperatura ng aircon ay napapakapit ka ng mahigpit sa kinauupuan mo. Sa bawat kasalubong na sasakyan ay napapatapak ang paa mo sa sahig ng kinauupuan mo na tila mayroong preno na nakalagay doon. Ang pagsunod kay Hesus ay pagdedesisyon na ibigay sa Diyos ang ating pagtitiwala, na iabot sa Kanya ang mga susi sa bawat sandali hanggang sa maging komportable tayo sa Kanyang pagmamaneho na hindi na tayo mag-aalala kung Siya ba ay sumesenyas o tama ang pinupuntahan. Ang pagtungo sa punto kung saan ipinagkakatiwala na natin sa Diyos ang lahat — ang ating mga pakikipag-ugnayan, trabaho, pera, at kinabukasan — ay isang panghabambuhay na paglalakbay. May mga pagkakataon na mawawalan tayo ng pasensya at sasabihan Siyang ibalik ang kotse sa dating dinadaanan. Ngunit hindi nalilito ang Diyos sa ating mga silakbo, dahil hindi Siya katulad ng sinumang taong nakilala natin. Inilalarawan ang Diyos sa Exodus 34:6 bilang mahabagin, kamangha-mangha, hindi nagagalit agad, nag-uumapaw sa pagmamahal at katapatan. Hindi tayo minamahal ng Diyos batay sa ating mga ginagawa o sumusuko man kapag nawawala tayo sa pakikipag-ugnayan sa Kanya. Ipinaglalaban Niya tayo, nililigtas at kinalulugdan. Ang Diyos ay karapatdapat sa ating pagtitiwala. Hahayaan mo ba Siyang ipakita sayo iyon, paisa-isang hakbang sa bawat pagkakataon? Ang matutuhang magtiwala sa Diyos ay mahirap, ngunit hindi mo kailangang mag-isa upang gawin ito. Magtungo sa newspring.cc/groups upang mapabilang sa isang NewSpring Group na malapit sa iyo.